විශ්ව විද්යාල අන්තර්ජාතික ක්රිකට් තරගාවලිය කොළඹදී ඇරැඹෙයි
ඉන්දියාව, පාකිස්තානය සහ ශ්රී ලංකාව යන රටවල විශ්ව විද්යාල ක්රිකට් ශූරයන් සහභාගිවන ‘රෙඞ්බුල් කුසලාන’ අන්තර්ජාතික විස්සයි/20 ක්රිකට් තරගාවලිය අද (25) කොළඹදී ආරම්භවිය. රෙඞ්බුල් සමාගම අනුග්රහය දක්වන මෙම තරගාවලිය මේ මස 28 වැනිදා දක්වා කොළඹ සී. සී. සී. ක්රීඩාංගණයේදී පැවැත්වේ.
මෙම රටවල් තුනේ පැවැත්වුණ විශ්ව විද්යාල දේශීය ක්රිකට් තරගවලි ජයගත් කණ්ඩායම් තුනක් රෙඞ්බුල් ශූරතාව වෙනුවෙන් තරග වදිති.
විශ්ව විද්යාල කණ්ඩායම් 14 ක් අතරින් ශ්රී ලංකා විශ්ව විද්යාල ක්රිකට් ශූරතාව දිනාගත් කොළඹ විශ්ව විද්යාලයීය පිල එහිදී ශ්රී ලංකාව නියෝජනය කරමින් මෙම තරගාවලියට සහභාගිවේ. ඉන්දියාවේ ශූරයන් වු මුම්බායි රිෂ්වි විද්යාලයද, පාකිස්තානයේ ශූරතාව දිනාගත් කරච්චි නුවර ශ්රී සෙයිඞ් විශ්ව විද්යාල පිලද ශූරතාව සඳහා තරග වදිති.
කොළඹ සිනමන් ලේක්සයිඞ් හෝටලයේදී පැවැති තරගාවලිය පිළිබඳ මාධ්ය දැනුවත් කිරීමේ හමුවේදී තරගාවලියේ ප්රවර්ධන නිලධාරී ශ්රී ලංකා යොවුන් පිතිකරු දිනේෂ් චන්දිමාල් පැවසුවේ මෙවැනි තරගාවලි පැවැත්වීමෙන් අනාගතයේදී විශ්ව විද්යාල මගින් ද දක්ෂ ක්රිකට් ක්රීඩකයන් හඳුනා ගැනීමට හැකියාව ලැබෙන බවයි.
අයි. පී. එල්. විස්සයි/20 ක්රිකට් තරගාවලියේ රාජස්තාන් රෝයල්ස් පිල නියෝජනය කරන චන්දිමාල් මෙම තරගාවලිය සඳහා දැන් දිවයිනට පැමිණ සිටියි. හිටපු ටෙස්ට් ක්රීඩකයන් වන සනත් ජයසුරිය සහ රොමේෂ් කළුවිතාරණ ද මෙම අවස්ථාවට සහභාගිවුහ. බ්රෙන්ඩන් කුරුප්පු මහතා තරගාවලියේ අධ්යක්ෂක ලෙස කටයුතු කරයි.
තරගාවලියේ ප්රසාද ලකුණු පුවරුවේ පළමු සහ දෙවැනි ස්ථාන ලබන කණ්ඩායම් අවසන් මහා තරගයට සුදුසුකම් ලබයි.
