විල්පත්තු ජාතික වනෝද්යානයේ අධිරක්ෂිතයට අයත් අක්කර දහස් ගණනක භූමි ප්රදේශයක් නීතිවිරෝධි ලෙස එළිපෙහෙළි කරමින් නැවත පදිංචි කිරීම් හා අනවසර ඉදිකිරීම් කරන පුද්ගලයින්ට එරෙහිව නීතිමය පියවර ගන්නා ලෙස වනජීවී අධ්යක්ෂ ජනරාල්, මධ්යම පරිසර අධිකාරිය ඇතුළු බලධාරීන්ට නියෝග කරන්නැයි ඉල්ලා පාරිසරික යුක්ති කේන්ද්රය ගොනු කළ රිට් පෙත්සම සම්බන්ධයෙන් රජයේ ස්ථාවරය ඔක්තෝබර් 7 වැනිදා අධිකරණයට දැනුම් දෙන ලෙස අභියාචනාධිකරණය නීතිපතිවරයාට බදාදා (16) නියෝග කළේය.
මෙම පෙත්සම අභියාචනාධිකරණ සභාපති විනිසුරු විජිත් මළල්ගොඩ මහතා හමුවේ කැඳවිණි.
මෙහි වගඋත්තරකරුවන් වශයෙන් වනජීවී අධ්යක්ෂ ජනරාල් ,මධ්යම පරිසර අධිකාරිය, මන්නාරම දිස්ත්රික් ලේකම්, කර්මාන්ත හා වානිජ අමාත්ය රිෂාඞ් බදියුදීන්, නීතිපතිවරයා ඇතුළු නව දෙනෙකු නම් කරනු ලැබ සිටිති.
