පොදු රාජ්‍ය මණ්ඩලීය රාජ්‍ය නායක සමුළුවට පැමිණි ඕස්ට්‍රේලියා අගමැති ටෝනි ඇබට්ට මහින්ද රාජපක්ෂ ජනපති වටිනා තෑගි දුන්නේය.
කමිස අත අමුණන බොත්තම් කටු දෙකක් හා කැටයම් කළ රිදී පෙට්ටියක් ඔහුට පිරිනැමිණි.
කමිස බොත්තම් කටු දෙකේ වටිනා දියමන්ති ද ඔබ්බවා තිබිණි.
ඕස්ට්‍රේලියා අගමැති සිය රටට ගිය ගමන් එම තෑගි රජයට භාර දුන්නේය.
ඕස්ට්‍රේලියා නීතිය අනුව ඕස්ට්‍රේලියා ඩොලර් හත්සිය පනහකට (රුපියල් 89505 ) වඩා වටිනා තෑග්ගක් මන්ත්‍රීවරයකුට භාර ගත නොහැකිය.
බෘනායි රාජ්‍යයේ සුල්තාන් වරයාගෙන් ලැබුණූ හම් බෑගයක් ද ෂැම්පේන් බෝතල් දොළහක්ද, ශිරාස් වයින් බෝතල් දොළහක් ද ඔහු රජයට භාර දුන්හ.
ටෝනි ඇබට් හා ඔහුගේ බිරිය මාගීට උතුරු සිඩ්නි නුවර නිවස හැර අන් ආයෝජනයක් නැත.
