ශ්රී ලංකාවට අවේණික කොටි දෙනක් උතුරු ප්රංශයේ සත්ත්වෝද්යානයක දී පැටවුන් දෙදෙනකු බිහිකළාය. ඇය සත්ත්ව හුවමාරු වැඩසටහනකට අනුව එරටට ගෙන යන ලද සත්ත්වයෙකි. සත්ත්ව විද්යාත්මකව පැන්තරා පාර්ඩුස් කොටියා ලෙස හඳුන්වන මේ සත්ත්ව විශේෂය ශ්රී ලංකාවට ආවේණික වුව ද දැනට යුරෝපීය රටවල සත්ත්වෝද්යාන කිහිපය කොටි 60ක් පමණ සිටිති.
ලෝකයේ කොටි විශේෂයට අයත් උප විශේෂ අටක් දැකිය හැකි අතර මෙරට සිටින්නේ ඉන් එක් උප විශේෂයකි.
මසකට පමණ පෙර උපතලබා ඇති මේ කොට පැටවුන් කිලෝ ග්රෑම් දෙකක් පමණ බරැති. පැටවුන් දෙදෙනාත් මවත් නිරෝගීව සිටින බව සත්ත්වෝද්යාන නිලධාරිනී ජීම් ඒබල් පවසයි.
ශ්රී ලංකාවේ රක්ෂිත වනාන්තර වල මෙන් ම අනාරක්ෂිත ස්ථානයන්හි ද ජීවත්වන මේ විශේෂයේ දැනට මිහිමත සිටින්නේ සතුන් 700 ට අඩු ප්රමාණයක් බව පරිසරවේදීන් පෙන්වාදෙති. කොටියා දැඩි තර්ජනයට ලක්වූ වඳවෙමින් යන සත්ත්ව විශේෂයකි.
