(කටුනායක ටී.කේ .ජී.කපිල )

රුපියල් එක් මිලියන 11 ක් වටිනා විදේශ මුදල් තොගයක් නීතිවිරෝධී ලෙස සිංගප්පූරුවට රැගෙන යාමට තැත් කළ 25 හැවිරිදි චීන ජාතිකයෙකු කටුනායක ගුවන් තොටුපොළේ දී රේගු නිලධාරීන් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක සුනිල් ජයරත්න මහතා පැවසීය.

මොහු සිංගප්පූරුව බලා පිටත්ව යන ශ්‍රී ලන්කන් ගුවන් සේවයේ යූ.එල්. -302 දරන ගුවන් යානයට නැගීම සඳහා කටුනායක ගුවන් තොටුපොළ වෙත පැමිණ තිබුණි . ඔහු රැගෙන ආ ගමන් මල්ලේ සිංගප්පූරු ඩොලර් ලක්ෂයක මුදලක් සගවා ගෙන තිබී රේගු නිලධාරීන් විසින් අත් අඩංගුවට ගෙන තිබේ .

ගුවන් තොටුපොළ රේගු නිලධාරීන් මෙම චීන ජාතිකයා අතර අඩංගුවේ තබා ගනිමින් මේ පිළිබඳව වැඩිදුර පරීක්ෂණ අරඹා තිබේ .