ශ්‍රී ලංකා දුන්නෙන් විදීමේ සංගමය පළමුවරට සංවිධානය කළ දුන්නෙන් විදීමේ ජාතික කනිෂ්ඨ තරගාවලියේදී ඌව පළාත නියෝජනය කළ රවින් දල්පදාදු ශූරතා තුනක් සහ අනුශූරතාවක් දිනා ගැනීමට සමත්විය. කොළඹ දුන්නෙන් විදීමේ පාසලේ ශාන්‍යා පෙරේරා ශූරතා දෙකක් සහ අනුශූරතාවක් දිනා ගනිමින් තරගාවලියේ ක‍්‍රීඩිකාවන් අතුරින් දස්කම් දැක්වුවාය. පසුගියදා 12 වැනි ජාතික දුන්නෙන් විදීමේ ශූරතාවලියට සමගාමීව කොළඹ ආර්. පේ‍්‍රමදාස ක‍්‍රීඩාංගණයේදී පළමුවරට කනිෂ්ඨ ක‍්‍රීඩක ක‍්‍රීඩිකාවන් වෙනුවෙන් මෙම තරගාවලිය පැවැත්විණ. රවින්, 10 න් පහළ, 12 න් පහළ, 14 න් පහළ යන වයස් කාණ්ඩ තුනම ජයගත් අතර ඔහු 16 න් පහළ වයස් කාණ්ඩයේ දෙවැනි ස්ථානය ලැබීය. වයස 10 න් පහළ සහ 12 න් පහළ වයස් කාණ්ඩ දෙක ජයගත් ශාන්යා 14 න් පහළ වයස් කාණ්ඩයෙන් දෙවැනි ස්ථානය හිමිකර ගත්තාය. වයස 14 න් පහළ සහ 18 න් පහළ මිශ‍්‍ර කණ්ඩායම් ඉසව්වල ශූරතා කොළඹ දුන්නෙන් විදීමේ පාසලේ ක‍්‍රීඩක ක‍්‍රීඩිකාවෝ දිනා ගැනීමට සමත්වුහ. අවසන් තරග ප‍්‍රතිඵල: 10 න් පහළ (මීටර 10, බාලක) 1. රවින් දල්පාදාදු (ඌව පළාත), 2. ප‍්‍රතාප් ජයතිලක (කොළඹ දුන්නෙන් විදීමේ පාසල), 3. තිසරු දිස්නක (ආනන්ද) 10 න් පහළ (මීටර 10, බාලිකා) 1. ශාන්‍යා පෙරේරා (කොළඹ දුන්නෙන් විදීමේ පාසල), 2. නයන්තරා පෙරේරා (කොළඹ දුන්නෙන් විදීමේ පාසල), 3. ගීති රාජපක්‍ෂ (කොළඹ දුන්නෙන් විදීමේ පාසල) 12 න් පහළ (මීටර 18, බාලක) 1. රවීන් දල්පාදාදු (ඌව පළාත), 2. ශිවන්ක කුරුබලාපිටිය (කොළඹ දුන්නෙන් විදීමේ පාසල), 3. මෙනුර පබුදිත (ඌව පළාත) 12 න් පහළ (මීටර 18, බාලිකා) 1. ශාන්‍යා පෙරේරා (කොළඹ දුන්නෙන් විදීමේ පාසල), 2. නයන්තරා පෙරේරා (කොළඹ දුන්නෙන් විදීමේ පාසල), 3. නිලේකා ද සිල්වා (කොළඹ දුන්නෙන් විදීමේ පාසල) 14 න් පහළ (මීටර 18, බාලක) 1. රවීන් දල්පාදාදු (ඌව පළාත), 2. උමේෂ් කලංසුරිය (ආනන්ද), 3. අසේල් කරන්නාගොඩ (ආනන්ද) 14 න් පහළ (මීටර 18, බාලිකා) 1. වින්ද්‍යා රාජපක්‍ෂ (කොළඹ දුන්නෙන් විදීමේ පාසල), 2. ශාන්‍යා පෙරේරා (කොළඹ දුන්නෙන් විදීමේ පාසල), 3. නිලේකා ද සිල්වා ( කොළඹ දුන්නෙන් විදීමේ පාසල) 16 න් පහළ (මීටර 30, බාලක) 1. පේසල කලංසුරිය (ආනන්ද), 2.රවීන් දල්පදාදු (ඌව පළාත), 3.පන්කජ සෙනෙවිරත්න (නාලන්දා) 16 න් පහළ (මීටර 30, බාලිකා) 1.සුචිනි උබේසිරි (කොළඹ දුන්නෙන් විදීමේ පාසල), 2.වින්ද්‍යා රාජපක්‍ෂ (කොළඹ දුන්නෙන් විදීමේ පාසල), 3.හසිනි සුරවීර (කොළඹ දු.ස.) 18 න් පහළ (මීටර 30, බාලක) 1.විදුර රාජපක්‍ෂ (කොළඹ දුන්නෙන් විදීමේ පාසල), 2.පේසල කලන්සුරිය (ආනන්ද), 3. පන්කජ සෙනෙවිරත්න (නාලන්දා) 18 න් පහළ (මීටර 30, බාලිකා) 1.සුචිනි උබේසිරි (කොළඹ දුන්නෙන් විදීමේ පාසල), 2.වින්ද්‍යා රාජපක්‍ෂ (කොළඹ දුන්නෙන් විදීමේ පාසල), 3.මිහිරි ද සිල්වා (කොළඹ දුන්නෙන් විදීමේ පාසල) 14 න් පහළ මිශ‍්‍ර කණ්ඩායම් ඉසව්ව (මීටර 18) 1. කොළඹ දුන්නෙන් විදීමේ පාසල් ‘සී’ පිල, 2. 1. කොළඹ දුන්නෙන් විදීමේ පාසල් ‘ඞී’ පිල, 3. ආනන්ද විදුහල් දුන්නෙන් විදීමේ ‘ඒ’ පිල 18 න් පහළ මිශ‍්‍ර කණ්ඩායම් ඉසව්ව (මීටර 30) 1. කොළඹ දුන්නෙන් විදීමේ පාසල් ‘ඒ’ පිල, 2. ආනන්ද විදුහල් දුන්නෙන් විදීමේ ‘ඒ’ පිල, 3. නාලන්දා විදුහල් දුන්නෙන් විදීමේ ‘ඒ’ පිල