ශ්‍රී ලංකාවේ උතුරු මැද වකුගඩු ලෙඩ ඇති ගම්වලට  පිරිසිදු ජලය දීමේ හා  මහරගම හා යාපනය පිළිකා රෝහලේ රෝගීන්ට වෛද්‍ය උපකරණ හා අත්‍යවශ්‍ය බෙහෙත් සඳහා අරමුදල් තර කිරීම සඳහා  ප‍්‍රංශ ලංකා සුභ සාධන සංවිධානය යුරෝපයේ ප‍්‍රථම වතාවට යුරෝපා ලක් රූ රැජින අභිෂේකය පැරීසියේදී පැවැත්විණි.

ප‍්‍රංශයේ ශ්‍රී ලංකා තානාපති කරුණාරත්න හඟවත්ත ආරාධිතයා විය.

උපේක්ෂා ස්වර්ණමාලි මන්ත‍්‍රීවරිය, 2008 ශ්‍රී ලංකා රූ රැජිනිය ෆේත් ලැන්ඩර්ස් මෙනවිය සමග දෙරණ රූ රැජින සෝලන්ග ගුනෝවිජය මෙනවිය , යොවුන් පරපුරේ හොදම ගායක දුමාල් වර්ණකුලසූරිය, එංගලන්තයේ ජනප‍්‍රිය ශ්‍රී ලාංකික ගායක අර්ජුන්, එරික් සූරියසේන, රංගන ශිල්පී සුරාජ් මාපා ද , උත්සවය ආලේකවත්  කළහ.

පැරීසියේ චමින්ද ලිවේරා ප‍්‍රමුඛ ඡායා වයිබ්‍රේෂන් සංගීත කණ්ඩායම සංගීතය සපයා දුන්නේය. එක් වූයේය. පැරීසියේ සරසවි, තිසරාවි, හා ජයමිණි රංඟ කලායතයන්හී විචිත‍්‍ර නර්තන වලින් සැඳෑව අලංකාර විය.

ස්ටෙෆාන් ,නීරා හා දිමිත‍්‍රි දසිල්වාගේ රූ රැජිනි තේමා ගීතයන් සැඳෑවට මිහිරක් ගෙන දුන්නේය. යුරෝපයේ රටවල් 11 ක තරග කාරියෝ 21ක් දෙනෙක් තරග බිමේ සිටියහ. තරග තුනකින් පසු ප‍්‍රංශය නියෝජනය කළ මෙලනි හේවාවසම් මෙනවිය 2014 යුරෝපයේ ප‍්‍රථම ශ්‍රී ලාංකික රූප රැජින ලෙස ජයගෙන කිරුළ හිමි කැර ගත්තාය.

දෙවැනි, තුන්වැනි, සිව්වැනි, හා පස්වැනි ස්ථාන අනු පිළිවෙළින් නෙදර්ලන්තයේ සෙව්වන්දි එල්ලේවෙල  ඉතාලියේ එඞ්නා ඩයස් , ප‍්‍රංශයේ දියනා ආරියරත්න, ජර්මනියේ නිරෝෂා කාරියවසම් හිමි කැ ගත්හ.

විශේෂ කුසලතා පරීක්ෂණ ප‍්‍රථිපල අනුව හොදම මෝස්තර නිරූපනය හා විශේෂ දක්ෂතා ලෙස ප‍්‍රංශයේ දියනා ආරියරත්න, බුද්ධිමත් තරුණිය ලෙස එංගලන්තයේ මිනෝලි රණසිංහ, ජනප‍්‍රිය තරුණිය ජර්මනියේ නිරෝෂා කාරියවසම්, හොදම ඡායාරූපීය නිරූපනය  නෙදර්ලන්තයේ සෙව්වන්දි එල්ලේවෙල , හොදම රූප දේහය ස්වීඩනයේ නෙලන්කා සමරසිංහ, හොදම කෙස් කළඹ ජර්මනියේ ජෙස්මින් ජයතුංග, හොදම ඇවිදීම ඉතාලියේ ඬේලියා වරාගොඩ දර්ශනීය අංශය ප‍්‍රංශයේ මෙලනි හේවාවසම්, ජය හිමිකර ගත්හ. මිනෝලි මිරැන්ඩා ප‍්‍රධාන ඉනෝකා පොන්සේකා , තෙල්මා තිලකරත්න , රමණී මහවාසල , සුනේත‍්‍රා වීරසිංහ , නිලූ වර්ණකුලසූරිය රූපලාවන්‍යය බාරව සිටියහ.

 ප‍්‍රථම ස්ථාන තුනට හිමි කිරුළු පැරීසියේ සිරස වෙළද ආයතනයේ ප‍්‍රධානි පීරිස් හා ජීන් ප‍්‍රනාන්දු මහත්මිය විසින් පරිත්‍යාග කැරිණි.

නේෂන් ට‍්‍රස්ට් බැංකුව, ඩිල්මා ලංකා, කුවේට් ගුවන් සේවය, ප්‍රයිම් ලෑන්ඩ්, ඇක්සස් ඉන්නියර්ස්, සෙලාන් හෑන්ඩ් ලූම්ස්, එරික් බතික්, මොහාන් හා යුනික් ජුවලරි,ජොසපින් හොටල් සමුහ ව්‍යාපාරය, ආරාධනා මල් වෙළඳ සල, ඊ.ඒ නැව්බඩු ප‍්‍රවාහන සේවය, ඉන්දික දුනුසිංහ මුද්‍රණ ආයතනය, ලංකාදීප පත්‍රය , එසැණ වෙබ් අඩවිය,ජොනට් වීඩියෝ, ඡායාරූප සදහා පුර්ණිමා අතුකෝරාල , රෙෂාන් , අන්තොනි ඩයස් අනුග‍්‍රහකයෝ වුහ.පනස් දෙනෙකුගෙන් සමන්විත කණ්ඩායමක් මෙම උත්සවය සාර්ථක කර ගැනීමට සහායවු අතර ඔවුන්ට හා ඉහත අනුග‍්‍රහාක භවතුන්ට ප‍්‍රංශ ලංකා සුභසාධක සංවිධානය වෙනුවෙන් සනත් මුතුනමගොන්නගේ මහතා  ස්තූති කරයි.