රොමේෂ් මධුෂංඛ 
 
යාපනය පළාත් පාලන ආයතන 17ක් වෙනුවෙන් දේශපාලන පක්ෂ  ලබා දුන් නාමයෝජනා අතරින්   ශ්‍රීලංකා පොදුජන පෙරමුණ  ලබා දුන් නාමයෝජනා පත්‍ර හතරක් ප්‍රතික්ෂේප වී ඇති බව  යාපනය දිස්ත්‍රික් තේරීම්භාර නිලධාරී නාගලිංගම් වේදනායගම් මහතා පැවසීය.
 
මේ අනුව යාපනය මහ නගර සභාව වෙනුවෙන් භාර දී තිබූ ශ්‍රීලංකා පොදුජන පෙරමුණේ නාමයෝජනා ප්‍රතික්ෂේප වී ඇති අතර ඊට අමතරව යාපනය ඩෙල්ෆ් ප්‍රාදේශීය සභාවට , වලිකාමම් උතුර හා වලිකාමම් නැගෙනහිර ප්‍රාදේශීය සභාවටත් භාරදෙන ලද නාමයෝජනා ප්‍රතික්ෂේප වී ඇති බවට යාපනය දිස්ත්‍රීක් තේරීම්භාර නිලධාරීවරයා කියා සිටියේය.