(දයාරත්න ඇඹෝගම)

මාමණ්ඩිය විසින් එල්ල කළ වායු රයිෆල් වෙඩිල්ලකින්  වැඩ තහනමකට ලක්ව සිටි පොලිස් කොස්තාපල්වරයකුට බෑණා අද අලුයම මියගොස් ඇතැයි පොලිසිය කියයි

මේසේ මරණයට ලක්ව ඇත්තේ ඉහළගම,ගලෙන්බිදුණුවැව ප්‍රදේශයේ පදිංචි කාරියප්පෙරුම මුදියන්සේලාගේ මහින්ද නවරත්න බංඩාර (57) නැමැති හිටපු පොලිස් කොස්තාපල් වරයෙකි.

මිය ගොස් සිටින පොලිස් නිලධාරීයා  ගල්කිරියාම පොලිස් ස්ථානයේ සේවය කරමින් සිටියදී බිරිඳට සහ බිරිඳගේ පියාට පහරදීම හේතුවෙන් 2024.11.22 වන දින වැඩ තහනමට ලක් සිටි නිධාරියකු වන අතර මොහුට ගෘහස්ත හිංසනය යටතේ අධිකරණය මගින් බිරිඳ සිටින ස්ථානයට පැමිණිම තහනම් කර ඇති බවත් පොලිසිය කියයි.

මිය ගිය පොලිස් කොස්තාපල්වරයා  වන දින අලුයම් කාලයේ දී බිරිඳගේ පියාගේ නිවසට පැමිණ බිරිද සමග ආරවුලක් ඇති කරගෙන කැත්තකින් පහරදීමට තැත් කිරීමට යාමේදී බිරිඳගේ පියා  නිවසේ තිබු වායු රයිපලයෙන් වෙඩි තබා ඇතැයිද පොලිසිය පැවසිය.

මෙම සිද්ධියෙන් බරපතල තුවාල ලැබු පොලිස් කොස්තාපල්වරයා 1990 හදිසි ප්‍රතිකාර ගිලන් රථය මගින් ගලෙන්බිදුනුවැව රෝහල වෙත රැගෙනගොස් තිබු අතර එහිදි ඔහු මිය ගොස් තිබුණි.