ඕස්ටේ්රලියාවේ ඩාර්වින්හි සිටි ශ්රී ලාංකික සරණාගතයින් දෙදෙනෙකු හදිසි රිය අනතුරකින් ජීවිතක්ෂයට පත්ව ඇතැයි එරට තානාපති ආරංචි මාර්ග පවසයි.
මෙලෙස මියගොස් ඇත්තේ ජේසුරාජ් කෲස් අරුලනේසන්(32) සහ එමනුවෙල් රේවල් (35) දෙදෙනාය. මොවුන් මීට වසර පහකට පමණ පෙර මුහුදු යාත්රා මඟින් ඕස්ටේ්රලියාවේ සරණාගතභාවය ඉල්ලමින් එරටට පැමිණි අය බව පැවසේ.
මිතුරන් කිහිපදෙනෙකු සමඟ විනෝද චාරිකාවක නිරතව සිටිදී ඔවුන් ගමන් ගත් වාහනය පාලනය කරගත නොහැකිව වෙනත් වාහනයක ගැටීමෙන් මෙම ලාංකික සරණගතයින් දෙදෙනා රිය අනතුර සිදුවූ ස්ථානයේදීම මියගොස් තිබේ. මිය ගිය දෙදෙනාගෙන් එක් අයෙකු මෙම වාහනය පදවා ඇතැයි කියැවේ.
ඔවුන්ගේ මිතුරෙකු සුළු තුවාල ලබා එරට රෝහලක ප්රතිකාර ලබමින් සිටියි.
