ජාතික උද්භිද උද්යාන දෙපාර්තුමේන්තුවේ මල් වගා පර්යේෂණ හා සංවර්ධන අංශය මගින් මෙරට පළමු වරට නිෂ්පාදිත උසස් තත්වයේ ඇන්තුරියම් හා ඕකිඩ් ප්රභේද සහ ලංකාව ට ආවේණික වු කිරීටා වර්ගයේ බඳුන් ගත මල් ප්රභේද වර්ග රැසක් හඳුන්වා ඇති බවත් ඒවා වගාකරුවන්ට පේරාදෙණි උද්භිද උද්යානයේ ලබා ගත හැකි බව ඡාතික උද්භිද උද්්යාන දෙපාර්තුමේන්තුවේ අධ්යක්ෂ ඡනරාල් ඩි.එච්.පි.පෙරමුනගම මහතා පවසයි.
1970 සිට ශ්රී ලංකාවේ වගා කරන සියලුම ඇන්තුරියම් 90% ක් පමණ ද ඕකීඩ් වර්ගද විදේශ රටවල් වලට ආවේනික වු ප්රභේද දෙමුහුන් කර සාදා ගත් බවත් නමුත් මීට වසර 5 ට පමණ පෙර සිට ජාතික උද්භිද උද්යාන දෙපාර්තුමේන්තුවේ පර්යේෂණයන්හි ප්රතිඵලයක් ලෙස මෙරට කැපු මල් සඳහා ඇන්තුරියම් ප්රභේද 30ක්ද බදුන් ගත කළ හැකි ප්රභේද 30 ක්ද ඕකීඩ් වර්ග 6 ක් ද මෙරටට ආවේනික වු කිරිටා වර්ගයේ ශාකයක් ප්රථම වතාවට හඳුන්වා දීමට කටයුතු කර ඇති බවත් ජාතික උද්භිද උද්යාන දෙපාර්තුමේන්තුවේ පර්යේෂණ හා තාක්ෂණ ප්රචාරක අධ්යක්ෂිකා ආචාර්ය ෂෙලෝමි ක්රිස්නරාජා මහත්මිය පැවැසිය.
