විනීතා එම් ගමගේ
නුවරඑළිය නගරයේ පොදු වැසිකිලි පද්ධතියක් ඉදිකිරීමට නගර සැලසුම් හා ජල සම්පාදන අමාත්යංශයේ ජල සම්පාදන හා සනීපාරක්ෂක පහසුකම් වැඩිදියුණු කිරීමේ ඒකකය පියවර ගෙන ඇත.
දෙමහල් ගොඩනැගිල්ලක් ලෙස ඉදිවන මෙම වැසිකිලි පද්ධතිය ලෝක බැංකු ආධාර ඇතිව ඉදිවන බවත් මේ සඳහා රුපියල් ලක්ෂ 150 ක වියදමක් දැරීමට නියමිතය.
නුවරඑළිය දිස්ත්රික්කයේ ජනතාවගේ සෞඛ්ය තත්ත්වය ඉහළ නැංවීමේ අරමුණින් ඉදිකෙරෙන පානීය ජල ව්යාපෘතියේ ඉදිකිරීම් කටයුතු පිළිබඳ සොයා බැලීම සඳහා අමාත්යංශ නියෝජිත පිරිසක් එම ව්යාපෘතියේ කළ නිරික්ෂණ චාරිකාවකින් පසු මාධ්ය වෙත අදහස් දක්වමින් අමාත්යංශ ලේකම් ඩී ජී එම් වී හපුආරච්චි මහතා මේ බව අනාවරණය කළේය.
ජල සම්පාදන ව්යාපෘතිය සඳහා රුපියල් මිලියන 2500 ක් වැය කිරීමට නියමිත අතර එම ව්යාපෘතිය කඩිනම් කිරීමට මෙම නිරික්ෂණ චාරිකාව යොදා ගත් බවත් ලේකම්වරයා පැවසීය.
