(රොමේෂ් මධුෂංඛ)
වව්නියාව පම්පමඩුව යුද හමුදා නිරෝධායන කඳවුරේ නිරෝධායනය වෙමින් සිටි පුද්ගලයකු පැන ගොස් සිටියදී මන්නාරම් දුම්රිය ස්ථානය අසළදී සොයා ගත් බව වන්නි ආරක්ෂක සේනා මූලස්ථානය පවසයි.
පම්පමඩුව නිරෝධායන කඳවුරෙන් ඊයේ (12) දින උදෑසන පැන ගොස් සිටි අතර එම පුද්ගලයා මන්නාරම දුම්රිය ස්ථානය අසළ දී සොයාගැනීම හේතුවෙන් සෞඛ්යාරක්ෂිත පියවරක් වශයෙන් මන්නාරම් දුම්රිය ස්ථානය හා එහි කාර්ය මණ්ඩලයේ සියල්ලක්ම විෂබීජහරණය කිරීමට පියවර ගත් බව මන්නාරම් පොලීසිය හා සෞඛ්ය නිලධාරීන් සඳහන් කරයි.
වව්නියාව පම්පමඩුව නිරෝධායන කඳවුරෙන් මෙසේ පැන ගොස් තිබුණේ කටාර් සිට පැමිණි හලාවත ප්රදේශයේ පදිංචිකරුවෙකි.
එම පුද්ගලයා වැඩිදුර පරික්ෂණ කටයුතු සඳහා කොළඹට රැගෙන ගිය බව වන්නි ආරක්ෂක සේනා මූලස්ථානය වැඩිදුරටත් පවසයි.
