(ටී.කේ.ජී.කපිල )
            
නීතිවිරෝධී ලෙස ශ්‍රී ලංකාවට රැගෙන ආ විදේශීය නිෂ්පාදිත දුම්වැටි තොගයක් සමඟ  මගියකු අද (16)  අලුයම කටුනායක ගුවන් තොටුපොළේ දී අත් අඩංගුවට ගත් බව රේගුව පවසයි.

මොහු කොළඹ කොලොන්නාව ප්‍රදේශයේ  පදිංචි 46 හැවිරිදි විවාහක පුද්ගලයෙකි .

අද (16)  අලුයම 5.30 ට පමණ ඩුබායි සිට පැමිණි ෆ්ලයි ඩුබායි ගුවන් සේවයේ එෆ්.ඉසෙඩ් .- 547 දරණ  ගුවන් යානයෙන් කටුනායක ගුවන් තොටුපොළ වෙත පැමිණ , කිසිවක් ප්‍රකාශ කිරීමට නොමැති හරිත මාවත (Green Chanel ) ඔස්සේ ගුවන් තොටුපොළෙන් පිටව යමින් සිටියදී රේගු නිලධාරීන් විසින් මෙසේ අත් අඩංගුවට ගෙන තිබුණි .
 

ඔහු විසින් රැගෙන ආ ගමන් මලු තුළ ඩුබායි හි නිෂ්පාදිත ගෝල්ඩ් ලීෆ් වර්ගයේ දුම්වැටි 16,000 ක් අඩංගු දුම්වැටි කාටූන් 80 ක් සගවා ගෙන තිබූ අතර , ඒවායේ මුළු වටිනාකම රුපියල් ලක්ෂ 08 ක් බව රේගුව  පවසයි.