කල්පිටිය කන්දකුලියෙන් මුහුදු ගොස් අතුරුදන් වූ බව පැවසූ ධීවරයන් තිදෙනාගෙන් දෙදෙනකු යළි ආපසු පැමිණ ඇතැයි ද එක් අයකු අතුරුදන්ව ඇතැයි ද පොලිසිය කියයි.

අතුරුදන්ව ඇත්තේ මෙලාන් චතුරක ප්‍රනාන්දු (33) නමැති ධීවරයෙකි. සිකුරාදා උදේ මුහුදු ගිය පසු එදින මධ්‍යම රාත්‍රියේ දැඩි සුළං හේතුවෙන් තම බෝට්ටුව පෙරැළී ගිය බවත් ගොඩ ආ ධීවරයෝ කියති.

බෝට්ටුව පෙරැළී පීනද්දී චතචුරක ඈතට ගසාගෙන ගිය බවත් දිවි බේරාගත් දෙදෙනා පැවසූ බව පොලිසිය කියයි. ඔවුන් දෙදෙනා පුත්තල මූළික රෝහලේ ප්‍රතිකාර ලබති.

අතුරුදන්ව සිටින මෙලාන් චතුරක ප්‍රනාන්දු මහතා