(බිමල් ශ්‍යාමන් ජයසිංහ)
 
පන්නිපිටිය ඇරැව්වල මැණික් ව්‍යාපාරිකයකුගේ නිවසට පොලිස් වෙසින් ඇතුළු වී රුපියල්  කෝටි පන්සියයේ දියමන්තිය හා කෝටි දෙකක් පමණ වටිනා මැණික් ගල් කොල්ලයේදී ඔත්තු බැලූ බව කියන ත්‍රී රෝද රථ රියැදුරෙකු මොරටුවේදී අත්අඩංගුවට ගත් බව පෑලියගොඩ කොට්ඨාස අපරාධ විමර්ශන අංශය කියයි.
 
කොල්ලකන ලද නිල් දියමන්තිය සන්තකයේ තබා සිටි කැලුම් ඉන්දික සම්පත් හෙවත් කැවුමා නමැත්තාගෙන් රඳවා ප්‍රශ්න කිරීමේදී මෙම පුද්ගලයා අත්අඩංගුවට ගත් බව පොලිසිය කියයි.
 
අත්අඩංගුවට ගත් කැලුම් ඉන්දික නමැත්තාගේ විශ්වාසවන්ත ගෝලයකු වශයෙන් මෙම පුද්ගලයා කටයුතු කර ඇති අතර ඔහුට ත්‍රී රෝද රථයක් පවා ලබා දී ඇති බව පොලිසිය කියයි.
 
දියමන්ති කොල්ලය සම්බන්ධයෙන් මේ වනවිට පුද්ගලයන් හත්දෙනෙකු අත්අඩංගුවට ගෙන ඇත.