(එච්. චන්දන )
පුත්තලම දිස්ත්රික්කයේ දැනට වගා කටයුතු වලට නිසි පරිදි ජලය ලබා ගැනීමට නොහැකි ජලාශවලට දැදුරු ඔයේ ජලාශයෙන් ජලය ලබා ගෙන ඉගින්මිටිය ජලාශය, මහ උස්වැව යව වැව්වලට සහ රතඹලා ඔයෙන් විජය කටුපොත වැවට ජලය ලබා ගැනීමේ කටයුතු විදෙස් දූත පිරිසක් නිරීක්ෂණය කළේය.
වාරිමාර්ග හා ජල සම්පත් හා අපදා කළමනාකරණ අමාත්යංශය යටතේ ඒකාබද්ධ ජල ඵලදායිතා වැඩිදියුණු කිරීමේ ව්යාපෘතිය සඳහා ආසියානු සංවර්ධන බැංකු මුදල් ලබා ගැනීමේ අවසන් පියවර ලෙස එම දූත පිරිස ක්ෂේත්රයේ නීරීක්ෂණ චාරිකාවකට එක්විය.
එම දූත පිරිස මෙහිදී ඉගිනිමිටිය , මහඋස්වැව , විජයකටුපොත ගොවි සංවිධානවල ගොවීන් හමුවී දැනට ජලය නොමැතිව මුහුණ පාන ගැටළු පිළිබඳව කරුණු සාකච්ජා කළේය.
යල මහා කන්න දෙකම තමන්ට කුඹුරු අස්වැද්දීමට අවශ්යය ජලය නිසි පරිදි නොලැබෙන බවත් ගොවීන් දූත පිරිසට පෙන්වා දුන්නේ.
මෙම අවස්ථාවට වාරිමාර්ග හා ජල සම්පත් හා අපදා කළමනාකරණ රාජ්ය අමාත්යය පාලිත රංගේ බණ්ඩාර එම ආමත්යංශ ලේකම් කපිල ජයසේකර මහත්වරු ඇතුළු නිලධාරීන් පිරිසක් එක්වුහ.
