එක්සත් ජාතික පක්ෂය සමග ජාතික රජයක් බිහි කිරීම සඳහා ශ්රී ලංකා නිදහස් පක්ෂ මධ්යම කාරක සභාව අද අනුමැතිය දුන් බව දේශපාලන ආරංචි කියයි.
ශ්රීලනිප මධ්යම කාරක සභාව එහි සභාපති මෛත්රිපාල සිරිසේන ජනපතිගේ ප්රධානත්වයෙන් අද රැස්විය. මේ ගැන තවදුරටත් ක්රියා කිරීම සඳහා චන්ද්රිකා බණ්ඩාරනායක කුමාරතුංග හිටපු ජනපතිනියගේ ප්රධානත්වයෙන් කමිටුවක්ද පත් කරනු ලැබ සිටී. එම කමිටුවට නිමල් සිරිපාලද සිල්වා, සුසිල් ප්රේමජයන්, එස්.බී.දිසානායක, සරත් අමුණුගම, මහින්ද සමරසිංහ යන පිරිස අයත්ය.
සම්මුතිවාදී ආණ්ඩුවක් පිහිටුවන ලෙස ඡන්දයට පෙරත් ජයග්රහණයෙන් පසුවත් අගමැති රනිල් වික්රමසිංහ මහතා පක්ෂ නායකයන්ගෙන් ඉල්ලා සිටියේය.
චන්ද්රිකා බණ්ඩාරනායක කුමාරතුංග මහත්මිය ශ්රීලනිප මධ්යම කාරක සභා රැස්වීමක් සඳහා පැමිණියේ වසර 10කට පසුවය.
