‘අපි දිනනවා. ඒක ස්ථිරයි.‘ අද උදේ 10.53 ට යෙදුණු නැකතින් මැදමුලනේ ඩී.ඒ.රාජපක්ෂ විදුහලේදී ඡන්දය ප්රකාශ කළ මහින්ද රාජපක්ෂ හිටපු ජනපති ප්රකාශ කළේය.
සාමකාමීව සතුටින් අපේ ජයග්රහණය භුක්ති විඳිමු යන්න මගේ පණිවිඩයයි. මහින්ද රාජපක්ෂ ඡන්දය දිනන බවට එසේ විශ්වාසය පළ කළත් මැතිවරණ විශ්ලේෂකයන් පවසනුයේ කිසිම පක්ෂයකට බහුතරයක් දිනාගත නොහැකි බවයි. හිටපු ජනපතිගේ දැඩි ජාතිවාදී පිළිවෙතින් සහ සන්ධාන හවුල්කරුවන්ගෙන් ඔහුගේ බලාපොරොත්තු සේදී යා හැකි බවයි.
ඔහුගේ රැලිවලට මහ සෙනගක් පැමිණියත් ඔහුට පසු බලයට පැමිණි අනුප්රාප්තිකයා රට දමිළයනට විකුණතියි චෝදනා කරයි. ජනපති මෛත්රිපාල සිරිසේන වඩාත් කැමැති වනුයේ එක්සත් ජාතික පක්ෂයේ නායක රනිල් වික්රමසිංහ අගමැති ඊළඟ රජය පිහිටවනු දැකීමයි.
කොළඹදී ඡන්දය ප්රකාශය කිරීමෙන් පසු අගමැති වික්රමසිංහ මහතා පැවසූයේ ජනවාරි 8 වැනිදා විප්ලවය ඉදිරියට ගෙන යාම සඳහා ඊළඟ රජය පිහිටුවිය හැකි බව තම විශ්වාසය බවයි.
අපි ඡන්ද දායකයාගේ මතයට ගරු කරමු. එකට වැඩ කරමු. නව රටක් ගොඩනගමු. අර්බුද ඇති නොකරමු.‘ යනුවෙන් වික්රමසිංහ මහතා වාර්තාකරුවන් සමග කීවේය.
ජනවාරි 8 වැනිදා ජනපතිවරණය පරාජය වීමෙන් පසු රාජපක්ෂගේ බිරියට හා සහෝදරයන් දෙදෙනකුට දූෂණ චෝදනා එල්ල විය.
හිටපු රග්බි තරුවක්ද මරා දැමීයැයි ඔහුගේ පුත්රයකුද සැකයට ලක්විය. රාජපක්ෂ යුගයේ දූෂණය ඉහවහා ගියේය යන මතය නිසා ඔහුගේ කීර්තිය පළුදු විය. “රනිල් (වික්රමසිංහ) මහින්ද (රාජපක්ෂ) වගේ හොරෙක් නොවෙයි.‘‘ කුලී රියදුරකු වන කොළඹ එන්.ජයසේකර එක්සත් ජාතික පක්ෂයට ඡන්දය දීමෙන් පසුව එසේ කීවේය.
‘‘2009 යුද්ධය අවසන් කළ රාජපක්ෂ ශ්රේෂ්ඨ පුද්ගලයෙකි. ලංකා ඉතිහාසයේ සිටින්නේ එකම වීරයායි. ඔහු මහින්ද රාජපක්ෂයි.‘‘ හම්බන්තොටදී ඡන්දය ප්රකාශ කිරීමෙන් පසුව එසේ පැවසූයේ ජගත් කුමාර (34) මහතාය.
(ඒ.එෆ්.පී ප්රංශ පුවත් සේවයේ වාර්තාවක් ඇසුරිණි)
