ශ්‍රී ලංකාවේ 7 වැනි ජනාධිපති තෝරා ගැනීමේ ඡන්දය මධ්‍යස්ථාන 12,314 කදී අද පෙරවරු 7ට ආරම්භ විය.

උදෙන්ම ඡන්ද පොළට යන්නැයි ඡන්ද කොමසාරිස් මහින්ද දේශප්‍රිය මහතා ඡන්ද දායකයනන්ගෙන් ඉල්ලීම් කරයි.

පස්වරු 4 දක්වා ඡන්දය පැවැත්වීමට නියමිතය. සාමකාමීව ඡන්දය පවත්වන්නැයි ත්‍රෛනිකායික මහ නායක හිමිවරුද සමාජ නායකයෝද ඉල්ලති.

ලියාපදිංචි ඡන්ද සංඛ්‍යාව 15044490 කි. ප්‍රධාන අපේක්ෂකයෝ ලෙස හිටපු ජනපති මහින්ද රාජපක්ෂ තෙවැනි වරටත් තරඟ කරයි.

ඔහුගේම ශ්‍රීලනිප මහ ලේකම් හා හිටපු සෞඛ්‍ය ඇමැති මෛත්‍රිපාල සිරිසේන එජාපය ඇතුළු විපක්ෂයේ පොදු අපේක්ෂක ලෙස ඉදිරිපත්වී සිටී. තවත් අපේක්ෂකයෝ 17 දෙනෙක්ද වෙති.