(එම්.සුසිල් ප්රියන්ත)
රටේ ගෑස් නියාමනය සම්බන්ධයෙන් අඩුපාඩු රැසක් තිබුණා. එය මහත් අඩුපාඩුවක්. එය අපි පිළිගත යුතුයැයි වැවිලි කර්මාන්ත හා රජයේ සම කැබිනට් ප්රකාශක වෛද්ය රමේෂ් පතිරණ මහතා සීනිගමදී පැවසීය.
සීනිගම දේවාලයේ පැවැති නැවුම් කුරුදු මංගල්යයට සහභාගීවෙමින් අනතුරුව මාධ්යවේදීන් නැගූ ප්රශ්න වලට පිළිතුරු දෙමින් පතිරණ මහතා එසේ කීවේය.
එහිදී තව දුරටත් කතා කළ පතිරණ මහතා මෙසේ ද කීවෙය.
රටේ ගෑස් නියාමනය සම්බන්ධයෙන් අඩුපාඩු තිබුණු බව පිළිගන්නවා.ඒක අපේ රජය කාලයේ විතරක් නෙමෙයි පසු ගිය වසර තිහ හතලිහ කාලයක පටන් පැවති රජය කාලයන්වලත් ගෑස් නියාමනය පිළිබදව ගැටළු තිබිණා. අපි නිහතමානීව පිලිගන්න අවශ්යයි වැරද්දක් වුණානම් ඒ වැරැද්ද පීලිගන්න අවශ්යයි.ගෑස් පාරිභෝජනය සම්බන්ධයෙන් නීති පද්ධතියේ අඩුවක් තිබිලා තියෙනවා.
හැබැයි දැන් ගෑස් පාරිභෝගිකයන්ගේ ආරක්ෂාව පිළිබදව තහවුරු කිරීමට අවශ්ය කටයුතු සම්පාදනය වෙමින් පවතිනවා.විශේෂයෙන්ම ඒ සදහා නීති පද්ධතිය සැකසෙමින් පවතිනවා.ජනතාවගේ මතු ආරක්ෂාව වෙනුවෙන් නීති අණපනත් ගෙනත් ඊට අවශ්ය කටයුතු කරනවා.
