අඟුණකොළ පැලැස්සේ ජනපති ආ උත්සවයක දී ගිනි අවියක් අතැතිව මෛත්රීපාල සිරිසේන ජනපති සමීපයටම ගිය බව ගියන හමුදා කොප්රල් ද, රාජකාරි පැහැර හැරියේයැයි කියන ජනාධිපති ආරක්ෂක අංශයේ සහකාර පොලිස් අධිකාරී සහ පොලිස් සැරයන් ද එක් අයකුට රුපියල් විසි පන් දහසක මුදල් ඇප හා රුපියල් දෙලක්ෂය බැගින් වූ ශරීර ඇප දෙකක් මත මුදා හරින ලෙස හම්බන්තොට මහේස්ත්රාත් නයන්ත සමරතුංග මහතා නියෝග කළේය.
ශ්රී ලංකා යුද හමුදාවේ කමාන්ඩෝ බළකායේ කෝප්රල් සේනක රුවන් කුමාර, ජනාධිපති ආරක්ෂක අංශයේ හිටපු සහකාර පොලිස් අධිකාරී මල්වලගේ සුජීව ප්රියංජිත් සහ හිටපු සැරයන් නිශ්ෂංක ආරච්චිගේ කිත්සිරි සැකකරුවෝය.
ජනපති සහභාගී වූ උත්සව භූමියේ සීසීටීවී කැමරා සවි කර නොතිබූ බව සංවිධායක මණ්ඩලය දැනුම් දුන් බව ද, උත්සවය ආවරණය කළ කැමරා ශිල්පියකුගේ වීඩියෝ දසුන් අධිකරණයට ඉදිරිපත් කරන බව ද අපරාධ පරීක්ෂණ දෙපාර්තමේන්තුවේ ප්රධාන පොලිස් පරීක්ෂක රංජිත් මුණසිංහ මහතා අධිකරණයට දැනුම් දුන්නේය.
මහේස්ත්රාත් - සැකකරු ගිනි අවියක් රැගෙන යන අයුරු එම වීඩියෝ පටයේ සටහන් වෙලා තිබෙනවාද?
රහස් පොලිසිය - එම වීඩියෝ පටයේ සමීප දසුන් නැහැ. සැකකරු යන එන අයුරු පමණක් එහි සටහන් වෙනවා. පරීක්ෂණවලින් දැන් අඩකට වඩා අවසන්. නමුත් පිස්තෝලය සොයා ගන්න තවම බැරිවුණා.
