පවතින අධික වැසි සහිත කාලගුණ තත්ත්වය සමග නිල්වලා සහ ගිං ගංගා පිටාර ගැලීම හේතුවෙන් ගාල්ල සහ මාතර දිස්ත්රික්කවල පවුල් 4930ක 18,917 දෙනෙක් පීඩාවට පත්ව සිටිති.
ගාල්ල දිස්ත්රික්කයේ කඩවත්සතර, ඇල්පිටිය, හබරාදූව, බෝපේ- පෝද්දල, යක්කලමුල්ල, බද්දේගම, හික්කඩුව, අක්මීමන, ඉමදූව, ගෝනාපීනුවල, කරන්දෙ‚ය සහ නාගොඩ යන ප්රාදේශීය ලේකම් කොට්ඨාශයන්ට අයත් පවුල් 3411කට අයත් පුද්ගලයින් 13.057 දෙනෙක් සහ මාතර දිස්ත්රික්කයේ වැලිගම, මාලිම්බඩ, මාතර, හක්මන, පිටබැද්දර, පස්ගොඩ, මූලටියන, දෙව්නුවර, අකුරැස්ස, වැලිපිටිය යන ප්රාදේශීය ලේකම් කොට්ඨාශයන්ට අයත් පවුල් 1519කට අයත් පුද්ගලයින් 5860දෙනෙක් මෙලෙස පීඩාවට පත්ව සිටින බව ආපදා කළමනාකරණ මධ්යස්ථානය පවසයි.
එම පීඩාවට පත්වූවන්ගෙන් ගාල්ල දිස්ත්රික්කයේ පවුල් 44ක 189 දෙනෙකු සහන කදවුරු පහක ද, මාතර දිස්ත්රික්කයේ පවුල් 671ක 2352 දෙනෙකු සහන කඳවුරු හයක ද රැදී සිටින බව ආපදා කළමනාකරණ මධ්යස්ථානයේ ප්රකාශකයෙක් ලංකාදීපයට පැවසීය.
නායයෑම් අවදානමක් නිසා වැලිමඩ ප්රාදේශීය ලේකම් කොට්ඨාසයේ ඔහියවත්ත ලයින් නිවාසවල ජීවත් වන පවුල් දහයක් අද එම ස්ථානයෙන් ඉවත් කළ බව අතිරේක දිස්ත්රික් ලේකම් ගාමිණී මහින්දපාල මහතා කියයි.
ඡායාරූප - ලහිරු හර්ෂණ
(කොළඹ කිංසි පාර ජලයෙන් යටවී තිබූ අයුරු)
ඡායාරූප - ඉෂාන් සංජීව
වීඩියෝ - ලහිරු හර්ෂණ
