(නිමන්ති රණසිංහ)
කොළඹ ප්‍රධාන මහෙස්ත්‍රාත් අධිකරණයේ සේප්පුව තිබු රන් භාණ්ඩ කිහිපයක් අතුරුදන් වීමේ සිද්ධියකට අදාලව අපරාධ පරීක්ෂණ දෙපාර්තමේන්තුව මගින් අත්අඩංගුවට ගත් හිටපු ප්‍රධාන නඩු භාණ්ඩ බාරකරු ලබන 17 වැනිදා තෙක් රක්ෂිත බන්ධනාගාරගත කිරීමට කොළඹ ප්‍රධාන මහෙස්ත්‍රාත් රංග දිසානායක මහතා නියෝග කළේය.
මෙලෙස රක්ෂිත බන්ධනාගාරගත කරනු ලැබුයේ කොළඹ ප්‍රධාන මහෙස්ත්‍රාත් අධිකරණයේ ප්‍රධාන නඩු භාණ්ඩ බාරකරු ලෙස සේවය කළ සම්පත් ගුණවර්ධන නැමැත්තෙකි.
ග්‍රෑන්ඩ්පාස් පොලීසියේ නඩුවකට අදාලව රන් භාණ්ඩ සහිත බෝතලයක් නඩු භාණ්ඩ වශයෙන් අදාල සේප්පුවේ තබා තිබියදී අස්ථාන ගතවීම සම්බන්ධයෙන් එම සැකකරුට එරෙහිව අපරාධ පරීක්ෂණ දෙපාර්තමේන්තුව මඟින් චෝදනා නඟා ඇත.
