(රොෂාන් දිලිප් කුමාර)
 
මේ දිනවල රටේ පවතින ජාතික ආපදා තත්වය සැලකිල්ලට ගෙන රට පුරා රාජ්‍ය සහ පෞද්ගලික ආයතනවලින් කෙරෙන ඉල්ලීම් සඳහා කොරෝනා විෂබීජහරණයට එතනෝල් නිපදවීම අඛණ්ඩව සිදුකරන බව ලංකා සීනි සමාගමේ ප්‍රධාන විධායක නිලදාරී  ගාමිණී රාසපුත්‍ර මහතා පවසයි.
 
අද(23) පස්වරුවේ පැවති විශේෂ මාධ්‍ය හමුවකට එක්වෙමින් මේ බව ප්‍රකාශ කළේය.
 
දිවයිනම ආවරණය වන පරිදි සෙවණගල සහ පැල්වත්ත සීනි කර්මාන්තශාලා මූලික කරගෙන එතනෝල් නිපදවීම සිදුකෙරේ.
 
රටේ පවතින ආපදා තත්වය සලකා බලා මෙම ආයතන වල සේවක මණ්ඩලය පැය 24 පුරාවට සේවයේ නිරතවන බවත් සුරාබදු කොමසාරිස් ජනරාල් වරයාගේ අවසරය මත එතනෝල් ජාතික අවශ්‍යතාවය සපුරාලිය හැකි බවත් ඔහු වැඩි දුරටත් පෙන්වා දෙයි.