මාතර රාහුල හන්දියේ පස් මහල් ගොඩනැඟිල්ලක විදුලි සෝපානයක් කඩා වැටීමෙන් එහි අත් උදව්කරුවකු වූ විරැකියා උපාධිධරයා ගාල්ල කරාපිටිය රෝහලේ දී මරුමුවට පත්විය. මාතර දීයගහ ඩබ්ලිව්.එම්. රුවන් ශාන්ත (27) එසේ මරුමුවට පත්වූයේ සණස රක්ෂණ සමාගමේ පත්වීම් ලිපිය තැපෑලට යැවීමට ද පෙරය. ඔහු රුහුණු සරසවියේ කලා උපාධිධරයෙකි. 2010 දී උපාධිය සමත්වූ ඔහු රැකියාවක්සොයා ගත නොහැකිවූ තැන කුලී වැඩට ගියේය. බාප්පා සමග රාහුල පාරේ කුලී වැඩටගොස් දින තුනකි. දිනකට කුලිය රුපියල් අට සියයකි.