(යොහාන් භාසුර)

ආනයනික කිරිපිටි කිලෝවක මිල රුපියල් 250 කින් සහ ග්‍රෑම් 400 ක් රුපියල් 100 කින් ඉහළ දැමීමට පාරිභෝගික අධිකාරිය එකඟ වූ බව කිරිපිටි ආනයනකරුවන්ගේ සංගමයේ ප්‍රකාශයකයකු ‘ලංකාදීප’යට පැවසීය.

මෙම මිල වැඩි වීමත් සමඟ කිරිපිටි කිලෝවක නව මිල රුපියල් 1195 ක් දක්වා ද, කිරිපිටි ග්‍රෑම් 400 ක් රුපියල් 480 ක් දක්වා ද, ඉහළ යනු ඇති බව සදඟන් කළ එම ප්‍රකාශකයා මෙම නව මිල තවත් දින දෙක තුනක සිට ක්‍රියාත්මක වනු ඇති බවත් කීය.

කිරිපිටි ආනයනකරුවන්ගේ සංගමය කිලෝවකට රුපියල් 350 ක වැඩිවීමක් ඉල්ලා සිටිය ද පාරිභෝගික ආරක්‍ෂණ රාජ්‍ය අමාත්‍ය ලසන්ත අලගියවන්න මහතාගේ ඉල්ලීමට ප්‍රතිචාර දක්වමින් රුපියල් 250 කින් පමණක් ඉහළ දැමීමට එකඟ වූ බවත් කිරිපිටි ආනයනකරුවන්ගේ සංගමයේ ප්‍රකාශයකයා වැඩි දුරටත් කීය.