පුෂ්පරාග ගෝමේද සහ නිල් කැට ඉල්ලම් ඇති බව කියන කතරගම තම්මැන්නාවේ අක්කර 4 පර්චස් හයක මැණික් බිම මැණික් හා ස්වර්ණාභරණ අධිකාරිය සිකුරාදා වෙන්දේසි කරයි. පර්චස් 5 සිට 13 දක්වා බිම් කැබලි 49ක් වෙන්දේසියෙන් ගැනීමට අඩු ගණනේ 700 ක් පමණ ධනවත්හු කතරගම කඳවුරු බැඳ සිටිති. ඒ අතර බේරුවල, රත්නපුර, ඇහැලියගොඩ, කහවත්ත, ඔක්කම්පිටිය පෙදෙස්වලින් ව්‍යාපාරිකයෝ වෙති. ඔවුන් ඇතැමකු ආ වාහනවල වටිනාකම රුපියල් කෝටිය හෝ කෝටි දෙකකට ආසන්නය. කතරගම හෝටලද ව්‍යාපාරිකයන්ගෙන් පිරී ඉතිරී ගොසිනි.