ඕස්ට්‍රේලියාවේ සිඩ්නි නුවර සිට ඩුබායි බලා ගමන් කරමින් තිබු එම්රේට්ස් ගුවන් සේවයට අයත් ඒ 380 වර්ගයේ  මගී ගුවන් යානයක   කාර්මික දෝෂයක සංඥාවක් හදිසියේ නිකුත්වීම නිසා එම ගුවන් යානය අද (26) අළුයම 3.48 පමණ කටුනායක බණ්ඩාරනායක ජාත්‍යන්තර ගුවන්තොටුපොළට  හදිසි ගොඩ බෑමක් සිදුකර ඇත.

ගුවන් යානයේ  මගීන් 465 ක් සහ කාර්ය මණ්ඩලය 30 සිටි බව වාර්තා වෙයි.

අදාළ ගුවන් යානයෙන්  හදිසි  සංඥා ලැබීමත් සමගම ගුවන්තොටුපොළ මගීන්ගේ ආරක්ෂාව සහ පහසුකම් සැපයිමට  සුදානමින් සිටි බව ගුවන්තොටුපොළ බලධාරීහු පවසති.

මේ වන විට යානයේ සිටි සියළු මගීන් සඳහා ගුවන්තොටුපොළ ආසන්නයේ ඇති හෝටල්හි නවාතැන් පහසුකම් සපයා ඇත.