(රොමේෂ් ධනුෂ්ක සිල්වා )
එක්සත් ජාතික පක්ෂයේ නව ජාතික සංවිධායක ලෙස තේරීපත්වූ අමාත්‍ය නවීන් දිසානායක මහතා එම ධුරයේ නිල වශයෙන් වැඩ භාර ගැනීම පිටකෝට්ටේ පිහිටි සිරිකොත පක්ෂ මුලස්ථානයේදී අද (24) සිදුකෙරිණි.
සර්ව ආගමික නායකයින්ගේ ආශීර්වාද මැද සුභ මොහතින් රාජකාරී ලිපියකට අත්සන් කිරීමෙන් වැඩ කටයුතු ආරම්භ කළ අමාත්‍යවරයා එය අග්‍රාමාත්‍ය රනිල් වික්‍රමසිංහ මහතා වෙත බාර දෙන ලදී.
එක්සත් ජාතික පක්ෂයේ සියලු තනතුරු දරණ මැති ඇමැතිවරු ද අමාත්‍ය නවීන් දිසානායක මහතාගේ බිරිඳ වෛද්‍ය ලංකා දිසානායක , මව ශ්‍රීමා දිසානායක , සොහොයුරු පාර්ලිමේන්තු මන්ත්‍රී මයන්ත දිසානායක යන මහත්ම මහත්මීන් මේ අවස්ථාවට සහභාගී වී සිටියහ.
