(අජන්ත කුමාරඅගලකඩ)
කොළඹ වරාය ආසන්න මුහුදේ ගිනි ගෙන විනාශ වූ එක්ස්ප්රස් පර්ල් නෞකාව ගැඹුරු මුහුදට රැගෙන යාමට ජනාධිපති ගෝඨාභය රාජපක්ෂ මහතාගේ ප්රධානත්වයෙන් අද පැවැති විශේෂ රැස්වීමකදී තීරණය කර ඇත.
ආපදාවට ලක් වූ මෙම නෞකාව මුහුදුබත් විමේ අවදානමක් පවතින බව නාවුක සහ පරිසර ඇතුළු ක්ෂේත්ර ගණනාවක නියෝජිතයන් එම සාකච්ඡාවේ දී පෙන්වා දි ඇති අතර එසේ වුවහොත් සමුද්රීය පරිසරයට සිදුවිය හැකි හානිය අවම කරගැනීමට මෙම නෞකාව ගැඹුරු මුහුදට රැගෙන යාම සුදුසුම පියවර බව ඔවුන් යෝජනා කර ඇත.
ඒ අනුව තාක්ෂණික කාරණා පදනම් කර ගනිමින් නීතිපතිවරයාගේ උපදෙස්මත, සමුද්රී පරිසර ආරක්ෂණ අධිකාරියේ සභාපතිට ඇති බලතල ප්රකාරව එම නෞකාව ගැඹුරු මුහුදට රැගෙන යාමට වහාම නියෝගයක් නිකුත් කරන්නැයි ජනපතිවරයා උපදෙස් දුන්නේය.
