අජන්ත කුමාර අගලකඩ
           
රජයේ පාසල්වල අපොස උසස් පෙළ සිසුන්ට ටැබ් පරිගණක ලබාදීමේ වැඩසටහන මුලින්ම නියමු ව්‍යාපෘතියක් ලෙස ක්‍රියාත්මක කිරීමට රජයේ අවධානය යොමු වී ඇත.

උසස් පෙළ සිසුන්ට ටැබ් පරිගණක ලබාදීමේ වැඩසටහන පිළිබඳව ඊයේ (26) පැවති කැබිනට් රැස්වීමේදී දීර්ඝ වශයෙන් සාකච්ඡා වී ඇති අතර එහිදි ඉදිරිපත් වු කාරණා සැළකිල්ලට ගනිමින් මෙය මුලින් නියමු ව්‍යාපෘතියක් ලෙස ක්‍රියාත්මක කළ යුතු බවට අදහස් ඉදිරිපත්ව තිබේ.

මෙම ව්‍යාපෘතියේ වැදගත්කම සම්බන්ධයෙන් අග්‍රාමාත්‍ය රනිල් වික්‍රමසිංහ මහතා ද එහිදී අදහස් දක්වා ඇත.

කැබිනට් රැස්වීමේදී අදහස් දක්වා ඇති ජනාධිපති මෛත්‍රීපාල සිරිසේන මහතා රුපියල් මිලියන 5,000 ක් වැයකර සිසුන් හට ලබාදෙන ටැබ් පරිගණකය නැවත බාර නොදෙන නිසා වාර්ෂිකව මිලියන 5,000 බැගින් වැය කිරීමේ හැකියාවක් නැති බව සඳහන් කර තිබේ.

ටැබ් පරිගණක ලබාදීම කොතරම් දුරට අත්‍යවශ්‍ය ද යන්න නැවත  සළකා බැලිය යුතු යැයි ද ජනාධිපතිවරයා පවසා ඇත.