(බී.ජී. චතුරංග)
පෞද්ගලික ඉඩමකට ගමන් කිරීම සඳහා මාර්ගයක් ඉදි කිරීමට, මිහින්තලේ වෙල්ලාරගම රක්ෂිතයේ ඇති ගස් කපා දමමින්, එම රක්ෂිතය විනාශ කර දමමින් සිටි පුද්ගලයන් දෙදෙනකු බැකෝ යන්ත්රයක් සමග අත්අඩංගුවට ගත් බව වන සංරක්ෂණ දෙපාර්තමේන්තු අනුරාධපුර කාර්යාලය පවසයි.
මෙලෙස අත්අඩංගුවට පත්ව ඇත්තේ, ගල්කුලම ප්රදේශයේ පදිංචි ව්යාපාරිකයකු සහ බැකෝ යන්ත්රය රියැදුරු ලෙස කටයුතු කළ ගම්පහ ප්රදේශයේ පදිංචි පුද්ගලයෙකි.
දින හතරක නිවාඩුවක් පැවති නිසා නිලධාරීන් නිවාඩු ගොස් ඇතැයි සිතමින් සැකකරුවන් ඉකුත්දා (1දා) මෙම වන විනාශය සිදු කරමින් සිටියදී මෙලෙස අත්අඩංගුවට ගත් බව වනසංරක්ෂණ දෙපාර්තමේන්තුව පවසයි.
වැටලීම සිදු කරන අවස්ථාවේදී සැකකරුවන් විසින් අක්කරයක පමණ රක්ෂිත කොටසක ගස් කපා විනාශ කර දමමින් සිටි බවත්, අදාල පෞද්ගලික ඉඩමට යාමට වෙනත් මාර්ගයක් තිබියදී, රක්ෂිතය මැදින් කෙටි මාර්ගයක් සකස් කිරීම සඳහා මෙලෙස ගස් කපා දමමින් මේ වන විනාශය සිදු කරමින් සිටි බව, වන සංරක්ෂණ නිළධාරියෙක් මෙහිදී පැවසීය.
බැකෝ යන්ත්රය සමඟ අත්අඩංගුවට ගත් සැකකරුවන් දෙදෙනා අධිකරණය වෙත ඉදිරිපත් කිරීමට නියමිතව තිබුණි.
