(යොහාන් භාසුර සහ ආරියරත්න රණබාහු)
ශ්රී ලංකාවට පැමිණ සිටින දකුණු සහ මධ්යම ආසියානු කලාපය භාර ඇමෙරිකා එක්සත් ජනපදයේ සහකාර ලේකම් ඩොනල්ඩ් ලූ සහ ජාතික ජන බලවේගයේ නියෝජිතයන් අතර සාකච්ඡාවක් කොළඹ ගාලුමුවදොර හෝටලයේදී පැවැත්විණි.
ශ්රී ලංකාවේ ඇමරිකා එක්සත් ජනපද තානාපතිනි ජුලි චං මහත්මිය ද මේ අවස්ථාවට සහභාගි වූවාය.
ජාතික ජන බලවේගය නියෝජනය කරමින් එහි ජාතික විධායක සභිකයින් වන පාර්ලිමේන්තු මන්ත්රී විජිත හේරත්, වසන්ත සමරසිංහ සහ වෛද්ය නලින්ද ජයතිස්ස යන මහත්වරු ද මේ අවස්ථාවට සහභාගි වූහ.
ශ්රී ලංකාවේ වත්මන් ආර්ථික තත්වය, ජාත්යන්තර මූල්ය අරමුදලේ මැදිහත්වීම, නිදහස් හා සාධාරණ මැතිවරණ පැවැත්වීම සහ ඉන්දියන් සාගර කලාපයේ ආරාක්ෂාව ඇතුළු කරුණු රැසක් පිළිබඳව මෙහිදී දෙපාර්ශවයේ අවධානය යොමුවූ බව ජාතික ජනබලවේගය පැවසීය.
