තොටගමුවේ පෙරහරේ දී කලබල වූ අලියා පාර අයිනේ ඇති වත්තකට ඇතුළු වී සිටිතැයි ගැමියෝ කියති. වනජීවී නිලධාරින් පවසන්නේ අලියා නිර්වින්දනය නොකර සන්සුන්වන්නේ දැයි පරීක්ෂාවෙන් පසුවන බවයි.
තෙල්වත්ත තොටගමුව රන්පත් විහාරයේ වාර්ෂික පෙරහැර විහාරයේ සිට හික්කඩුව නගරයට ගොස් ආපසු එමින් සිටිය දී අලියා කුලප්පු වූයේය. පාර අයිනේ වතුර වළකින් අලියා දිය බීමට සැරසුණු බවත් ඒ අවස්ථාවේ ඇත්ගොව්වා හෙණ්ඩුවෙන් ඇනීමත් සමග කලබල අලියා ඇත්ගොව්වා හොඬයෙන් අල්ලා එසවූ බවත් සිද්ධිය ඇසින් දුටුවෝ කියති. රාත්රී 7.30 ආසන්නයේ මෙය සිදුවිය. අලියාගේ වෙනස දැකීමත් සමග පෙරහරේ ගිය නර්ථන ශිල්පීන් හා පෙරහර බැලීමට පැමිණි පිරිස් හිස් ලූ ලූ අත පලා ගියහ.
පැයකට ආසන්න කාලයක් අලියා පාරේ කලබල කිරීම හේතුවෙන් ගාලු කොළඹ ප්රධාන මාර්ගය වැසී ගියේය. දැඩි වාහන තදබදයක් ද හටගෙන තිබිණි. අලියා වත්තකට පැන ගැනීමෙන් ඒ අවහිරය අවසන් විය. දැන් ගාලු පාරේ සාමාන්ය පරිදි වාහන ධාවනය සිදුවෙයි.
පශු වෛද්ය අජිත් ලියනගම මහතා පවසන්නේ අලියා මදකිපී නැති බවයි. යම් හේතුවක් නිසා අලියාට කෝපයට පත්ව කලබල කරන්නට ඇතැයිද ක්රමයෙන් අලියා සන්සුන් වෙමින් සිටින බව ද වෛද්යවරයා එසැණට කීවේය.
