අම්පාර මධ්යම කඳවුරේදී වැසියන් පස් දෙනකුට පොලිස් නිලධාරින් තිදෙනකු විසින් වෙඩි තබා ඝාතනය කළ බව කියන සිද්ධියට අදාල නඩු විභාගයට සාක්කි ලබාදිමට මේ මස 21 වැනිදා අම්පාර මහාධිකරණය හමුවේ පෙනී සිටින ලෙස වෙඩි තබා ඝාතනය කෙරුණු පුද්ගලයින්ගේ මරණ සම්බන්ධයෙන් මහේස්ත්රාත් පරික්ෂණය පැවැත්වු එවකට අම්පාර හිටපු මහේස්ත්රාත්ට සහ පශ්චාත් මරණ පරික්ෂණ පැවැත්වු එවකට අම්පාර හිටපු අධිකරණ වෛද්ය නිලධාරිවරයාට අම්පාර පළාත් බද මහාධිකරණ විනිසරු සුමුදු පේ්රමචන්ද්ර මහතා නියෝග කළේය.
අම්පාර මධ්යම කඳවුර පොලිස් මුර පොලේ එවකට රාජකාරි කළ ගාමිණී කුමාරසිංහ වසන්ත කුමාර සහ නිමල් කරුනාරත්න යන හිටපු පොලිස් සාමාජිකයන් තිදෙනා නඩුවෙන් චෝදනා ලබා සිටිති.
මෙම විත්තිකරුවන් තිදෙනා අතරින් දෙවන විත්තිකාර වසන්ත කුමාර නැමැත්තා මේ වන විට මියගොස් ඇති නිසා ඔහුගේ නම විත්තිකරුවන්ගේ නාම ලේඛනයෙන් ඉවත් කැරිණි. අයුතු ජනරාශියක සාමාජිකයින් වෙමින් සාමාන්ය වැසියන් පස් දෙනෙකු වෙඩි තබා සාපරාධී ලෙස මරා දමා ඔවුන්ගේ දේපළ වලට ගිනි තබා හානි සිදු කිරිම ඇතුළු චෝදනා 43 ක් යටතේ වෙන් වෙන්ව මෙම විත්තිකරුවන්ට එරෙහිව නීතිපතිවරයා විසින් අමිපාර මහාධිරකණය හමුවේ චෝදනා ගොනු කොට තිබේ.
විත්තිකරුවන් සක්රිය පොලිස් සේවයේ යේදී සිටියදි රාජකාරි සඳහා නිකුත් කොට තිබු ගිනි අවි භාවිතා කර මෙම අපරාධය සිදු කර ඇති බවද අධිකරණ නඩු විභාගයේදි කියැවිණ.
අම්පාර මධ්යම කඳවුරේ පදිංචිව සිටි පොන්නයියා සදාසිවම්, කනපතිපිල්ලේ කුමාරස්වාමි, වෙලූපිල්ලේ පාක්යරාජා, වෙල්ලංකුට්ටි සුන්දරලිංගම් සහ කුමාරස්වාමි තංගනායගම් ඝාතනයට ලක්වූවෝය.
පැමිණිල්ල වෙනුවෙන් නියෝජ්ය සොලිස්ටර් ජනරාල් ප්රභාකරන් කුමාරත්නම් මහතා සහ රජයේ අධි නීතඥ නුවන් කෞෂල්ය මහතා පෙනී සිටි අතර විත්තිකරුවන් වෙනුවෙන් නීතිඥවරුන් වන එස්. එල්. පාරුක් සහ සමන් පෙරේරා යන මහත්වරු පෙනී සිටියහ.
