නිමල කොඩිතුවක්කු
 
අග්‍රමාත්‍ය ලේකම් යනුවෙන් පවසමින් දිවයිනේ විවිධ පොලිස් ස්ථාන වලට කතා කරමින් පෞද්ගලික අවශ්‍යතාවයන් ඉටුකරගත් පුද්ගලයකු සම්බන්ධයෙන් වහාම විමර්ශන සිදු කරන ලෙස  අග්‍රමාත්‍ය ලේකම් සමන් ඒකනායක මහතා ඉහළ පොලිස් නිළධාරින් වෙත අද(14) දිනයේ දැනුම් දි තිබේ.
 
දිවයිනේ විවිධ පොලිස් ස්ථානවලට කතා කරමින් එම පුද්ගලයා  බලපෑම් සිදුකර ඇති අතර මේ සම්බන්ධයෙන් එම පොලිස් නිලධාරින් නියෝජ්‍ය පොලිස්පතිවරුන් දැනුම්වත් කර ඇත.
 
නියෝජ්‍ය පොලිස්පතිවරුන් මේ සම්බන්දයෙන් අග්‍රමාත්‍ය ලේකම් සමන් ඒකනායක මහතාට දැනුම් දී ඇති අතර ඒ අනුව එම දුරකතන අංක ඔස්සේ වහාම විමර්ශනයක් සිදුකරන ලෙසට ඒ මහතා දැනුම් දි තිබේ.