විසිවෙනි සංශෝදනය සම්මත කළා නම් මනාප ක්රමයෙන් තොරව බොහෝ ලස්සන ඡන්දයක් කරන්න තිබු බව එක්සත් ජනතා නිදහස් සන්දානයේ ගම්පහ දිස්ත්රික් නායක ෆීල්ක්ස් පෙරේරා මහතා අද ගම්පහ දිස්ත්රික් ලේකම් කාර්යාලයට පැමිණ නාමයෝජනා බාරදීමෙන් අනතුරුව පැවසුවේය.
‘‘පක්ෂය බෙදා වෙන් කරන්න ගිය අයට අද බොහොම ලස්සන උත්තරයත් දී තිබෙනවා. අපි සටනක් කරලා අපේම ජනපති කෙනෙක්, අපේම අගමැතිවරයෙක් පත්කරගෙන අපේම කැබිනට් මණ්ඩලයක් හදාගෙන 20 වෙනි සංශෝදනය උවමනාවෙන්ම එපා කියපු එක්සත් ජාතික පක්ෂය පරදවනවා.
ඒක සම්මත උනා නම් රට හොඳ තත්වයකට ඇවිත්. ඒක සම්මත කරගන්න දුන්නේ නැහැ.19 සංශෝදනය කළා. 20 සම්මත කළේ නැහැ. 20 සම්මත කළා නම් අපිට මේ මනාප ක්රමයෙන් තොරව බොහෝම ලස්සන ඡන්දයක් කරන්න තිබුණා. කෙසේ වෙතත් ඒ අරමුණ වගේම සංවර්ධනයේ, සහජීවනයේ අරමුණ කරා යාමටයි අපි මේ සටන් කරන්නේ.
ශ්රී ලංකා නිදහස් පක්ෂයේ නිජබිම තමයි ගම්පහ දිස්ත්රික්කය. එස්.ඩබ්ලිව්.ආර්.ඩී බන්ඩාරණායක, සිරිමාවෝ බන්ඩාරණායක, චන්ද්රිකා බන්ඩාරණායක වගේ බන්ඩාරණායකවරු හදපු පක්ෂයක නිජබිමක අපි අද ඉන්නේ. ලංකාවේ වැඩිම ජනගහනයක් ඉන්න ගම්පහ දිස්ත්රික්කය ජයග්රහණය කිරීම අපිට ප්රශ්නයක් නෙමෙයි.
අපේ කණ්ඩායමේ වෛද්යවරු ඉන්නවා, තව විවිධ ක්ෂේත්රවල අය ඉන්නවා. අපි සියළු දෙනා බේදයකින් තොරව අත්වැල් බැඳගෙන ගම්පහ දිස්ත්රික්කයෙන් ජයග්රහණය කරනවා. ඒක වලක්වන්න කාටවත් බැහැ.
ඒ වගේම ශ්රී ලංකා නිදහස් පක්ෂයේ අයත් ඉන්නවා, අපේ හිටපු ජනාධිපතිතුමත් ඉල්ලනවා. කිසි ප්රශ්ණයක් නැහැ අපි දිනනවා.‘
බස් එකකට නගින්න විශාල සෙනඟක් හිටියට හැමෝටම ඒකට නැගල යන්න බැහැ. ඊලඟ බස් එකේ හරි වෙන මොකක හරි යන්න වෙනවා.
අලි වගා පාළු කරනවා. අලි වැට ගහන්න කලින් ජනතාව අලින්ට වැට බඳිනවා.
