(අංජුල මහික වීරරත්න)
තමාට දේශපාලන පළපුරුද්ද සීමා සහිත බැවින් අගමැති සහ කැබිනට් මණ්ඩලය එකතුවී සාමූහිකව කටයුතු කරමු යැයි ජනාධිපතිවරයා කළ ප්රකාශයෙන් විසිවන සංශෝධනය අසාර්ථක බව ජනපති පිළිගෙන ඇතැයි හිටපු අග්රාමාත්ය සහ එක්සත් ජාතික පක්ෂ නායක රනිල් වික්රමසිංහ මහතා විශේෂ ප්රකාශයක් කරමින් අද (10) පැවසීය.
දැන් කළ යුත්තේ විසිවන සංශෝධනය අහෝසි කර 19 වන සංශෝධනය යටතේ ආණ්ඩුව ගෙන යාම බව කී හිටපු අග්රාමාත්යවරයා ඒ සඳහා ආණ්ඩුව විපක්ෂය සමග සාකච්ඡා කර රටේ තිබෙන ආර්ථික ප්රශ්න විසඳීමට එකඟතාවයට පැමිණිය යුතු බවද සඳහන් කළේය.
විසිවන සංශෝධනය අසාර්ථක බව ප්රකාශ කිරීම සම්බන්ධයෙන් ජනපතිට ප්රශංසා කරන බව ද කී හිටපු අග්රාමාත්ය රනිල් වික්රමසිංහ මහතා වැඩිදුරටත් පැවසීය.
