(වියලූව වාර්තාකරු)
පදමට වෙරි වී නගරයේ වෙළෙඳ සලක් අසළ තිබූ ත්රීරෝද රථයකට වැදී මර නින්දේ පසු වූ පුද්ගලයකු ත්රීරෝද රථයෙන් බස්සවා ගැනීම සඳහා අපූරු උපායක් යෙදූ තරුණ පිරිසක් පිළිබඳ වියලූවේ ප්රධාන නගරයකින් වාර්තාවේ.
සිද්ධිය මෙසේය.
පසුගිය දිනෙක ගම්බද ප්රදේශයක සිට නගරයට පැමිණි පුද්ගලයකුට නිවෙසට ඇවැසි කළමනා ද මිලදී ගෙන එම නගරයේම තිප්පොළකින් හොඳ හැටි සප්පායම් වී ඇත්තේ ඊළඟ බසයේ නැගී නිවෙසට යන්නටය.
මග යන්නට තරම්වත් පණ නැති ඔහු නංවා ගැනීම බස් රථ කීපයකින්ම ප්රතික්ෂේප කිරීම නිසා අවසානයේ ඔහු වෙළෙඳ සැලක් අසල තිබූ ත්රීරෝද රථයකට ගොඩ වී නිදාගත්තේ වෙරි හිඳුනාම යෑමේ බලාපොරොත්තුව ඇතිවය.
එයින් දැඩි අපහසුතාවට පත් ත්රීරෝද රථය හිමි තරුණයා ඔහු ඉන් පිටතට ගන්නට කොතෙක් වෑයම කළ ද පලක් නොවීය.
මොහු ත්රීරෝද රථයෙන් බස්සවා ගන්නේ කෙසේදැයි කල්පනා කරමින් සිටි ඔහුට එහි සිටි මිතුරෙක් අපූරු යෝජනාවක් ගෙනාවේය.
එහි සිටි එක් තරුණයකු හිටි වනම උසස් පොලිස් නිලධාරියකු ලෙස කතා කරන්නට විය. ”ඒයි තමුසේ බීලා නේද? පී.සී. ගේනවා ජිප් එක පොලිසි ගෙනියන්න” පොලිස් වෙස් ගත් තරුණයා ත්රීරෝද රථයට මුවා වී ගුගුළේය. එතෙක් මර නින්දේ සිටි බිමත් පුද්ගලයා දෙනෙත් විවර කරමින් ආයාචනාත්මකව කියා සිටියේ ”අනේ රාලහාමි ටිකක් බිව තමා ඒත් මේකට ඉතිං පොලිසි ගෙනියන්න ඕනෑ යැ” යනුවෙනි.
”හා... හා.... එහෙනම් ඔය බඩු ටිකත් අරං ගෙදර යනවා” යළිත් පොලිස් වෙස්ගත් තරුණයා ගෝරනාඩු කළේය.
පූස් පැටියකු සේ තම බඩු මුට්ටු ටික ද රැුගත් බීමත් පුද්ගලයා බස් නැවතුම්පොළ වෙත ගමන්කළේ තමන් බේරා දුන් එහි සිටි තරුණ පිරිස දෙස කෘතඥ පූර්වක බැල්මක් ද හෙළමින්ය.
