බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේදී පැවැත්වෙන කොළඹ ජාත්‍යන්තර පොත් ප්‍රදර්ශනය 2025 වෙත ඇතුළුවීමට පවතින අධික තදබදයෙන් මිදී වඩාත් පහසුවෙන් ටිකට් පත් මිලදී ගැනීමේ අවස්ථාව හිමිකරදීමට එහි නිල ගමන් හවුල්කරුවා වන PickMe යටතේ පවතින  PickMe Events කටයුතු යොදා තිබේ. 
ඒ අනුව මෙවර පොත් ප්‍රදර්ශනය නැරඹීමට යන පිරිසට PickMe ඇප් වැඩසටහන හරහා තමන්ට අවශ්‍ය ටිකට් පත් මිලදී ගැනීමට හැකිය. අනතුරුව ප්‍රදර්ශන භූමියට ඇතුළුවන ස්ථානයේ පිහිටා ඇති PickMe හි විශේෂිත කවුන්ටරයේ ඇති QR කේතය ස්කෑන් කර ප්‍රදර්ශනය වෙත ඇතුළු වීමේ අවස්ථාව ලැබේ.
සැප්තැම්බර් 27 වැනිදා ආරම්භ වී ලබන ඔක්තෝබර් 06 වැනිදා දක්වා ප්‍රදර්ශනය පැවැත්වෙන දින 10ක් පුරාම මෙම පහසුකම පිරිනමන බව PickMe පවසයි. එහිදී ජනතාව වෙත මෙලෙස ඩිජිටල් ආකාරයෙන් පරීක්ෂා කර ඇතුළුවීමේ අත්දැකීම වෙත පිවිසීම උනන්දු කරවීම සඳහා, PickMe භාවිත කරන්නන්ට නොමිලේ ටිකට් පත් තුනක් පිරිනැමීමටද කටයුතු යොදා තිබේ.
මේ අතර වැඩි පොත් ප්‍රමාණයක් මිලදී ගන්නා පිරිසට කිලෝ ග්‍රෑමයක් සඳහා රුපියල් 100ක් වැනි ඉතාමත් අඩු මිලකට එම පොත් ලංකාවේ ඕනෑම තැනක පිහිටි සිය නිවෙසට ප්‍රවාහනය කර දීමට PickMe Courier සේවාවද ඉදිරිපත්ව සිටින බව පවසයි.