ප්‍රයිම් සමූහය ශ්‍රී ලංකාවේ දේපළ වෙළෙඳාම් ක්ෂේත්‍රයේ පෙරළියක් කරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේය. මෙම නව ගෙවීම් ක්‍රමවේදය නම් කර ඇත්තේ PrimeMax නමිනි. මෙය නිල වශයෙන් හඳුන්වා දීමේ උත්සවය පසුගියදා කොළඹ Shangri-La හෝටලයේදී පැවැත්විණි.
නිවසක් මිලදී ගැනීම යනු විශාල මුදලක් දැරීමට සිදු වන ආයෝජනයකි. දීර්ඝ කාලයක් පුරා මෙරට නිවාස ගැනුම්කරුවන්ට එම ගැටලු‍වට මුහුණ දීමට සිදු විය. එමෙන්ම ආයෝජකයෝ දේපළවල වටිනාකම ඉහළ යාමෙන් උපරිම ප්‍රයෝජන ලැබීම සඳහා වඩාත් උපායමාර්ගික ක්‍රම වෙත යොමු වූහ. PrimeMax ක්‍රමවේදය සකස් කර ඇත්තේ මෙම සියලු සාධක සැලකිල්ලට ගනිමිනි.
PrimeMax මගින් ශ්‍රී ලංකාවේ පෙර නොවූ විරූ සියයට 10 ක මූලික ගෙවීමක් සමගින් සියයට 0.5 වැනි මාසික වාරිකයක් හඳුන්වා දී තිබේ. මෙමගින් ගැනුම්කරුවන්ට දේපළ මිලදී ගැනීමේදී මුහුණ දීමට සිදු වූ මුල්‍යමය බාධා ඉවත් වන අතර, ඔවුන්ට දේපළවල වටිනාකම් ඉහළ යාමෙන් උපරිම ප්‍රයෝජන ලැබීමටද හැකි වනු ඇත. අවම මූලික ගෙවීමක් සමගින් දීර්ඝකාලීනව මුල්‍යමය වාසි හිමිකර ගැනීමට අවස්ථාව සලසා දෙන PrimeMax ක්‍රමය ශ්‍රී ලංකාවේ දේපළ වෙළෙඳාම් ක්ෂේත්‍රයේ පෙරළියක් ඇතිකරනු නිසැකය.
PrimeMax මින් ඉදිරියට ශ්‍රී ලංකාව තුළ දේපළ මිලදී ගැනීම සඳහා භාවිත කළ හැකි හොඳම විසඳුම බවට පත් වනු ඇත. ප්‍රථම වරට නිවසක් මිලදී ගැනීමට සැලසුම් කරන ගැනුම්කරුවන්ට මෙන්ම දේපළ වෙළෙඳාම් ක්ෂේත්‍රයේ දීර්ඝකාලීනව ලාබ ලැබීමට අපේක්ෂා කරන ආයෝජකයන්ටද මෙය කදිම විසඳුමකි. මෙමගින් ආයෝජකයන්ට දේපළ කිහිපයක් සඳහා එකවර ආයෝජනය කිරීමටද අවස්ථාව හිමි වනු ඇත.
මේ සම්බන්ධයෙන් අදහස් දක්වමින් ප්‍රයිම් සමූහ ව්‍යාපාරයේ සම-සභාපති ප්‍රේමලාල් බ්‍රාහ්මණගේ මහතා පැවසුවේ ප්‍රයිම් සමූහය කවදත් නවෝත්පාදනය සම්බන්ධයෙන් විශ්වාසය තැබූ බවයි. ප්‍රයිම් සමූහය හුදෙක් නිවාස ඉදිකරන සමාගමක් පමණක් නොවන බවත්, එය ශ්‍රී ලාංකිකයන්ගේ නිවාස සිහින සැබෑ කරමින් ඔවුන්ට දීර්ඝකාලීන මුල්‍යමය ප්‍රතිලාභ හිමිකර දීමට කැපවුණු සමාගමක් බවත් ඒ මහතා අවධාරණය කළේය.
