ජනශක්ති සමූහ ව්‍යාපාරය පසුගියදා පැවති ‘Best Management Practices Company Awards 2025’ උළෙලේදී ‘විවිධාංගීකරණය වූ සමූහ ව්‍යාපාරය’ කාණ්ඩයේ සම්මානය දිනාගැනීමට සමත් වියග ශ්‍රී ලංකා වරලත් වෘත්තීය කළමනාකරුවන්ගේ සංගමය (CPM Sri Lanka)] විසින් සංවිධානය කරන ලද මෙම සම්මාන උළෙලේ අරමුණ වූයේල ඵලදායී කළමනාකරණ ක්‍රමෝපාය ඔස්සේ ව්‍යාපාර තිරසාරත්වය හා වර්ධනය වෙනුවෙන් කැපවුණු සමාගම් හා ආයතන ඇගයීමට ලක්කිරීමය.
JXG පසුගිය කාලය තුළ ඵලදායී ආයතනික සංස්කෘතියක් නිර්මාණය කිරීමේ අරමුණින් සුවිශේෂී වැඩසටහන් මාලාවක් ක්‍රියාවට නැංවීය. එම වැඩසටහන් මාලාව සාර්ථක වී ඇති බවට මෙම සම්මානය සාක්ෂි දරයි.
තම ප්‍රධාන කාර්යාලය Mireka Towers හි පිහිටුවීමත් සමග JXG විවෘත කාර්යාල ආකෘතියක් අනුගමනය කරන ලදී. මෙය කාර්ය මණ්ඩලයේ සාමාජික සාමාජිකාවන්ගේ සහයෝගීත්වය හා ඵලදායීතාව ඉහළ නැංවීම ඉලක්ක කරගත් සහයෝගීතා කේන්ද්‍ර ඇතුළත් සුවිශේෂී සැලසුමකි. මේ ආකාරයට රැකියා ස්ථානය පූර්ණ පරිවර්තනයකට ලක්කිරීමේ ව්‍යාපෘතියක් සාර්ථක ලෙස ක්‍රියාවට නැංවීමට සමත් වීම, මෙම සම්මානය JXG වෙත හිමි වීමට බලපෑ ප්‍රධානතම සාධකයක් විය.
මේ සම්බන්ධයෙන් අදහස් දක්වමින් JXG හි සමූහ ප්‍රධාන මානව සම්පත් නිලධාරිනී වසන්ති ස්ටීවන් මහත්මිය මෙසේ පැවසුවාය. ‘‘මෙම සම්මානය හිමි වීම පිළිබඳව අප නිහතමානීව සතුටු වන්නෙමු. මෙය සමාගමේ සහයෝගී ආයතනික සංස්කෘතිය ගොඩනැගීම සහ අඛණ්ඩව පවත්වාගෙන යාම සඳහා විශාල දායකත්වයක් ලබාදෙන සාමාජික සාමාජිකාවන් සියලුම දෙනාගේ ජයග්‍රහණයකි.
එමෙන්ම මෙය සහයෝගීත්වය හා නවෝත්පාදනය ඔස්සේ විශිෂ්ට ලෙස කළමනාකරණ ක්‍රමවේද ක්‍රියාවට නැංවීම සඳහා සමාගම තවදුරටත් දිරිගන්වනු ඇත.”
JXG කාර්යාල පරිශ්‍රය නව අදහස් දිරිගන්වන අවකාශයකි. කාර්යක්ෂමතාව, ඵලදායීතාව හා නවෝත්පාදනය යන ගුණාංගවලට මුල්තැන දෙන අතරම නම්‍යශීලීත්වය ආරක්ෂා වන සුවිශේෂී රැකියා පරිසරයක් ස්ථාපිත කිරීම සඳහා කළමනාකරණ ක්‍රමෝපාය සහ තිරසාරත්ව වැඩසටහන් මෙන්ම නවීනතම තාක්ෂණයද භාවිත කිරීමට ජනශක්ති සමූහය පියවර ගෙන තිබේ.
