ලොක්කෝ විස්සක් මැතිසබය හැර යති

(සුජිත් හේවාජුලිගේ)

දීමනා හා පහසුකම් අඩුකම මෙන්ම වෙනත් විවිධ හේතු කාරණා හේතුවෙන් ජ්‍යෙෂ්ඨ මාණ්ඩලික නිලධාරීන් දෙදෙනෙකු ඇතුළු විවිධ තරාතිරම්වල නිලධාරීන් විසි දෙනෙකු පසුගිය වසරක පමණ කාලයේදී පාර්ලිමේන්තු සේවය හැර ගොස් ඇතැයි එහි ආරංචි මාර්ග සඳහන් කළේය.

පාර්ලිමේන්තුවේ නියෝජ්‍ය ඉංජිනේරු මෑත දී සේවයෙන් ඉවත්ව ගිය නිලධාරියාය. ඔහු සිය ඉල්ලා අස්වීමේ ලිපිය පසුගිය සතියේදී පාර්ලිමේන්තු ප්‍රධානීන්ට බාර දුන්නේය.

පාර්ලිමේන්තු සේවයෙන් මෙසේ ඉවත්ව ගොස් ඇති සෙසු සියලු දෙනාද උපාධිධාරීහු වෙති. මෑතකදී පාර්ලිමේන්තු නිලධාරීන් සහ භාෂා පරිවර්තකයන් ලෙස පත් කෙරුණු නිලධාරීන් පිරිසක්ද එම තනතුරුවලට පත්කර දින කිහිපයකින් සේවය හැර ගොස් ඇතැයි දැනගන්නට ඇත.

මින් බොහෝ දෙනෙකු පෞද්ගලික අංශයේ ආයතන වලට සහ දේශීය ආදායම් දෙපාර්තමේන්තුව වැනි රජයේ ආයතනවලට ගොස් ඇත.

පාර්ලිමේන්තුවේ දීමනා සහ සේවා පහසුකම් අඩුවීම සේවයෙන් ඉවත් වීමට බලපා ඇති ප්‍රධාන හේතු කාරණාවේ. පාර්ලිමේන්තුවේ කාර්ය මණ්ඩලයට කාලයක සිට විශේෂ වරප්‍රසාදයක්ව පැවැති නිවාඩු හිලව්දීමනාවද( Leave Encashment ) තවත් දීමනා කීපයක්ද නව රජය බලයට පත්වීමෙන් පසු අහෝසි කෙරිණ.

අදහස් (13)

ලොක්කෝ විස්සක් මැතිසබය හැර යති

වින්සන්ට් කජ්ජා Saturday, 20 December 2025 11:12 AM

නිකං ඉඳලා වරප්‍රසාද විතරක් ගැන හිතන ලංකාවේ රාජ්‍ය සේවකයින් බහුතරයකට තියෙන මානසිකත්වය තමයි ඔය...

: 15 62

KumaraMonday, 22 December 2025 07:56 AM

පාර්ලිමේන්තු සේවය...ඒ සදහා අවශ්‍ය විශේෂ දැනුම...කැපවීම ..නිශ්චිත කාලයක් නොමැතිව රාජකාරියේ යෙදීමට සිදුවීම..ඈතුලු බොහෝ කාරණා නොදැන...සමහරු අදහස් දැක්වීම.ගැන කනගාටුයි..

: 0 2

ටිල්වින් මයිනා Saturday, 20 December 2025 11:21 AM

අවුලක් නෑ. පුරප්පාඩුවලට අපේ සට්ටැඹියෝ ඉන්නවා පුරවා ගන්න.

: 43 29

පිටිගල මිලානෝ Saturday, 20 December 2025 12:26 PM

දැන් හොරු බලයේ නැති නිසා වාසි නැත.

: 20 58

Jayasekara Saturday, 20 December 2025 12:26 PM

යන අයට යන්න කියන්න... ඕන තරම් එළියේ ඉන්නවා රාජ්‍ය සේවයට යන්න බලාගෙන ඉන්න සුදුසුකම් තියෙන අය. මතක තියාගන්න රටේ වැඩි හරියක් අයට රටේ දීමනා මුකුත්ම නැති විත්තිය. ඉල්ලුවොත් දොට්ට.

: 11 48

fairoos Saturday, 20 December 2025 12:30 PM

ඉතාම හොදයි ... නිකන් පඩිගන්න බලාගෙන ඉන්න අය යන එක හොදයි.

: 10 51

Rata Perata Saturday, 20 December 2025 01:14 PM

ඉතාමත් සතුටට කරුණක්. රටේ ණය බර අඩු වෙලා පොදු වේවා ඉහළ තත්වයට එනකන්, මේක හැම රජයේ ආයතනයකම ක්‍රියාත්මක වෙන්න ඕනෑ.

: 10 46

Buddhika Saturday, 20 December 2025 02:14 PM

මේක නම් පාර්ලිමේන්තුවේ එක්කෙනෙක් සල්ලි දීලා කරගෙන වගේ... පාර්ලිමේන්තුවේ දෙන ප්‍රතිලාභවලින් සියයට 50ක් වත් නැතිව තව කී දෙනෙක් රාජ්‍ය සේවයේ ඉන්නවද?

: 6 38

දයාන් කන්නන්ගර Saturday, 20 December 2025 05:10 PM

රාජපක්ෂ පාදඩයන්ගේ කාලයේ වගේ හිතේ හැටියට අල්ලස් ගන්න හොරකම් කරන්න බැරි වුණාම එතන ඉදලා වැඩක්නැති නිසා මාරුවෙන එක සාමාන්‍ය දෙයක්.. ඕනේ තරම් උගත් අය ඉන්නවා ඔය පුරප්පාඩු පුරවන්න... මහින්ද යාපා හිටපු කථා නායක ඥාති 31 දෙනෙක් පාර්ලිමේන්තු කාර්‍ය මණ්ඩලයට සේවයට බදවාගෙන තිබුණා...

: 12 38

GAMA VARESE Saturday, 20 December 2025 05:56 PM

දයාන් කන්නන්ගර.. පිටිගල මිලානෝ රට පෙරට .. මම හිතන්නේ මේ අය ඉපදිලා තියෙන්නේ ඊයේ.. නැතිනම් ඇස් පනාපිට කෝටි ගණන් වංචා කරන අනුන්ගෙන් හිඟාකාපු මේ අය ප්‍රකෝටිපතියන් වුනේ කොහොමද කියලාවත් සොයා නොබලන මොවුන්ටත් තියෙන්නේ රාජපක්‍ෂ භීතිකාව පමණි. .

: 3 1

කනගරත්නම් කැනඩාව Saturday, 20 December 2025 06:09 PM

මමත් මොවුන්ට කැමැත්තෙන්ම සිටියත් දැන් වැඩ බැරිකම හොදට පේනවා. ගංවතුරෙන් අතරමන් වී සිටින අපේ පවුලට කෑම වේලක් දෙන්න මේ අයට බැහැ. ඒකත් ලැබුනේ අනුන්ගෙන් මේකෙ COMMENTS දාන අය ගැන හරිම දුකයි...

: 5 3

Asoka Wijerathna Sunday, 21 December 2025 04:00 PM

ඔවුන් යන්න ඇත්තේම ඉස්සර කරගෙන ආපු වංචාවන් දැන් කරන්න බැරි නිසා වියයුතුයි. තව අලුත් අය බඳවා ගන්න...

: 1 1

Rohan KottegeSaturday, 27 December 2025 01:38 PM

මෙතන අදහස් පළ කර තියෙන අය හිතන් ඉන්නේ පාර්ලිමේන්තු සේවකයෝ කියන්නේ රාජ්‍ය සේවකයෝ කියලයි පෙනෙන්නේ... 1. පාර්ලිමේන්තු සේවකයෝ රාජ්‍ය සේවකයෝ නොවෙයි. 2. පාර්‘ලිමේන්තු සේවකයො කැපවීමෙන් වැඩ කරන මෙන්ම දක්ෂ හා කාර්‘යක්ෂම නිලධාරියෝ. 3. එයාලා පාර්‘ලිමේන්තුව රැස්වන දිනවල රාත්‍රි කුමන වෙලාවට රැස්වීම අවසන් වුණත් වෙහෙස නොබලා ක්‍රියාකරන පිරිසක්. 4. නිකම්ම උපාධියක් තිබුණු පලියට දේශපාලකයෙකුගේ පන්දමෙන් පාර්ලිමේන්තු සේවයට බැඳෙන්න බෑ. ඒකට තරග විභාග සමත් වෙන්න ඕනෑ. 5. ඇතැම් තනතුරු උපාධි තියා මහාචාර්‘ය පට්ටම් තිබුණත් කරන්න බෑ. ඒකට අදාළ දක්ෂතාව තියෙන්න ඕනෑ. එම කාර්ය කිරීමේ හැකියාව පරීක්ෂා කර එම හැකියාව තිබුණොත් පමණයි බඳවා ගන්නේ. 6. වැඩ කරන්නේ රජයේ ඉහළම බලධාරීන් සමග නිසා ඉහළ පීඩනයක් ඔවුන්ට එල්ල වෙනවා. මැති ඇමතිවරු අතරේ, කථානායකගේ පාලනයටත් නතුව, හොරකම් කිරීමේ අවස්ථාව කවදත් නෑ. 7. රාජ්‍ය සේවයේ හා පෞද්ගලික සේවාවන්වල මෙන් සිය සේවාලාභීන් වෙත නිදහසට කරුණු කියන්න, ජනතාව රස්තියාදු කරවන්න පාර්‘ලිමේන්තු සේවකයින්ට පුරුද්දක් නෑ. 8. අලුතෙන් බැඳුණු අය සේවය හැර යන්නේ, වද විඳගෙන කරන සේවයට සරිලන වැටුපක් නැති නිසා

: 0 1