2022 අගෝස්තු මස 11 වන බ්රහස්පතින්දා
කුණු කෑම කිලෝ 800ක් අල්ලයි
(රංජිත් රාජපක්ෂ)
නුවරඑලිය නගරයේ තොග සහ සිල්ලර වෙලදසැලක ඉහල මහලයේ ගබඩා කර තිබු පරිභෝජනයට නුසුදුසු ආහාර ද්‍රව්‍ය කිලෝ 800 ක් නුවරඑලිය මහෙස්ත්‍රාත් අධිකරණයට ඉදිරිපත් කිරිමට නුවරඑලිය මහ නගර සභා නාගරික සෞඛ්‍ය අංශයේ නිලධාරිහු අද දින පියවර ගත්හ.
නුවරඑලිය මහ නගර සභාවේ නාගරික සෞඛ්‍ය අංශයේ නිලධාරින්ට ලද පැමිණිල්ලක් මත එම නිලධාරින් විසින් අදාල වෙලදසැල සහ ගබඩාව අද දින හදිසි පරික්ෂාවට ලක් කෙරිණ.
එහිදි ගබඩා කාමරය තුළ කරවල , ටින් මාළු , උදුපිටි , සුකිරි , හාල්මැස්සන් , මිරිස් , තුනපහ ,රටඉදි ඇතුළු ආහාර ද්‍රව්‍ය රැසක් කල් ඉකුත් වි තිබු බවත්, තවත් ආහාර ද්‍රව්‍ය රැසක් මියන්ගේ මල මුත්‍රා සහිතව ගබඩා කර තිබු බවයි වැටලිම සිදු කර නාගරික සෞඛ්‍ය අංශයේ මහජන සෞඛ්‍ය පරික්ෂකවරු කියා සිටියහ.
මහෙස්ත්‍රාත්වරයාගේ නියෝගය මත පරිභෝජනයට නුසුදුසු තත්ත්වයේ තිබු ආහාර ද්‍රව්‍ය විනාශ කිරිමට පියවර ගන්නා බවද නාගරික සෞඛ්‍ය අංශයේ මහජන සෞඛ්‍ය පරික්ෂකවරුන් වැඩිදුරටත් කියා සිටිහ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
