(බිඟුන් මේනක ගමගේ)
කොරෝනා වයිරසය පාලනය කිරීම සඳහා දේශපාලන භේදයකින් තොරව එක්සත්ව අවශ්ය සහාය දීමට සමගි ජනබලවේගය සූදානම් යැයි ද මහමැතිවරණය පැවැත්වීම හෝ නොපැවැත්වීම ගැන තීරණය ගතයුත්තේ සෞඛ්ය බලධාරින්ගේ නිර්දේශ අනුව යැයි ද එක්සත් ජාතික පක්ෂයේ හිටපු පාර්ලිමේන්තු මන්ත්රී ඉරාන් වික්රමරත්න මහතා අද (13) කීය.
හිටපු විපක්ෂ නායක සජිත් ප්රේමදාස මහතා උද්ගතව ඇති තත්ත්වය ගැන සාකච්ඡා කිරීම සඳහා පාර්ලිමේන්තුවේ විශේෂ සැසියක් කැඳවන හැටියට ජනාධිපතිවරයාගෙන් ඉල්ලීමක් කළේ ඒ අනුව යැයි ද වික්රමරත්න මහතා කීය.
පවතින සමාජ හා දේශපාලන තත්ත්වය ගැන සාකච්ඡාවකට එක්වෙමින් වික්රමරත්න මහතා මෙසේ ද කීය.
''පෙබරවාරි 5 වැනිදා පාර්ලිමේන්තුවේ පළමු වැනි වතාවට මේ ගැන සාකච්ඡා කළේ සජිත් ප්රේමදාස මැතිතුමායි. වෙන කවුරුවත් මේ ගැන සාකච්ඡා කළේ නෑ. වෛද්යවරුන් සෞඛ්ය අංශ ඇතුලු සියලු නිලධාරින් මෙහිදී කරන කැපකිරීම ගැන අප ප්රශංසා කළ යුතුයි. ඒ වගේම වයිරසය පැතිරීම වැලැක්වීමට ඇති සියලුම ආරක්ෂක පිළිවෙත් අප සියලු දෙනාම අනුගමනය කළ යුතුයි. අපට මේක පාලනය කළ හැකිය යන විශ්වාසය තිබෙනවා. මැතිවරණ කොමසාරිස්වරයා තමයි මෙවැනි තත්ත්වයක මැතිවරණය පැවැත්විය හැකිද යන ප්රශ්නය නගා තිබුණේ. එනිසා මෙහි කිසිදු දේශපාලන පසුබිමක් නෑ.''
'' අපි සම්පූර්ණයෙන්ම රජයට මෙහිදී සහයෝගය ලබාදෙනවා. මහමැතිවරණය පැවැත්වීම හෝ නොපැවැත්වීමේ තීරණය දේශපාලන මට්ටමට එන්නට පෙර සෞඛ්ය නිලධාරින් තීරණය කළ යුතුයි. ලෝක සෞඛ්ය සංවිධානය යම් නිවේදනයක් කර තිබුණත් ඒ ඒ රටවල දේශගුණය හා විද්යාත්මක කරුණු අනුවයි බලන්න වෙන්නේ. එනිසා එවැන්නක් ගැන සාකච්ඡා කළයුතුවන්නේ වසංගත රෝග විද්යාඥයන්ගේ නිර්දේශ අනුවයි. ''
මිනිසුන් විසි දහසකට ආසන්න පිරිසක් වෙනුවෙන් නොමිලයේ එළවළු ලබා දීමේ ’’එළවළු දන්සැලක්’’ මහරගම පන්නිපිටිය ප්රදේශයේ අද (08) දින පැවැත්විණි.
බිංගිරිය කර්මාන්ත කලාපයේ යටිතල පහසුකම් සංවර්ධන කටයුතු මෙම වසර අවසන් වීමට පෙර නිම කරන ලෙස ජනාධිපති රනිල් වික්රමසිංහ මහතා නිලධාරීන්ට උපදෙස් දුන්නේය.
කෘෂිකර්මාන්තය දියුණු නොකොට ග්රාමීය ආර්ථිකය ශක්තිමත් කළ නොහැකි බව ජනාධිපති රනිල් වික්රමසිංහ මහතා පැවසීය.
විදුලි බිල අඩු කිරීමේ යෝජනා අනිද්දාට (10)පෙර ලබා දෙන ලෙස මහජන උපයෝගිතා කොමිසම ලංකා විදුලිබල මණ්ඩලයට දන්වා ඇත.
පරිසරය සහ දේශගුණික විපර්යාස සඳහා පොදු එක් නීතියක් ඉදිරිපත් කරන බව ජනාධිපති රනිල් වික්රමසිංහ මහතා පැවසීය.
පුරවැසි භාවය නැති කෙනෙක් ලියාපදිංචි කළ පක්ෂයකින් පාර්ලිමේන්තු ආ අය හොඳ නීතීඥ කණ්ඩායමක් සොයා ගන්නැයි විදුලි බල හා බලශක්ති අමාත්ය කංචන විජේසේකර මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මහමැතිවරණය ගැන නිර්දේශ කිරීම සෞඛ්ය අංශවල වගකීමක්