මෙම ලිපියේ මුල් කොටස ‘දරුවන්ට උපතේදී ඇතිවන මුඛය හා මුහුණ ආශ්රිත අසමානතා‘ නමින් පළ විය. මේ පළ වන්නේ එහි ඉතිරි කොටසයි.
බෙදුන තොල හා තල්ල සහිත අසමානතාව දරුවකුට උපතේ සිට ඇතිවිය හැකි තත්ත්වයකි. උපතේදී එවැනි දරුවකුගේ රෝග විනිශ්චය නිවැරැදි වීම සහ කල්තියා හඳුනා ගැනීම ප්රතිකාර සහ සැත්කම් ආදියේදී මහෝපකාරී වේ. මාස 09 සහ අවුරුදු 09 සැත්කම්වලින් පසු මෙවැනි දරුවකුගේ මුඛ සෞඛ්යය රැක ගන්නා අයුරු, ඒ සම්බන්ධව ඇති සායන හා මෙවැනි අසමානතා මඟ හරවා ගැනීමේ පෙර සූදානම ගැන අද ලිපියේ කරුණු දැක්වේ.
නිරන්තරයෙන් පැණිරස, ටොෆි,චොකලට්, බිස්කට් ආදිය ආහාරයට ලබා දීම අවම කළ යුතු වේ. නිසි කලදී දරුවා මවු කිරෙන් ඉවත් කර අමතර ආහාරවලට හුරු කරවිය යුතුය. ඒ අතර වාරයේ මාස 06ට වරක් දන්ත වෛද්යවරයකු ලවා දරුවාගේ මුඛ සෞඛ්ය පරීක්ෂා කර අවශ්ය ප්රතිකාර සහ උපදෙස් ලබා ගත යුතු වේ. වයස අවුරුදු 5 සහ 6 කාලයේදී විකලාංග දන්ත වෛද්යවරයකු වෙත යොමු වීමද ඉතා වැදගත්ය.
අවුරුදු 09දී විදුරුමසේ අස්ථි බද්ධය කළ පසු වයස අවුරුදු 18 වනවිට දත් දෙපළ පිළිවෙළින් සකසා ගත හැකිය. ඉන්පසුද දන්ත සංරක්ෂණ විශේෂඥ වෛද්යවරු යටතේදී දත් දෙපළ වඩා හොඳින් හැඩ ගන්වා සාමාන්ය තත්ත්වයට පත් කර ගැනීමට පුළුවනි. එසේම දරුවා වැඩුණු පසු එනම් අවුරුදු 18දී පමණ අවශ්ය නම් පමණක් තොලේ කැළල අඩු කර ගැනීමට ප්ලාස්ටික් සැත්කමක් කර ගැනීමේ හැකියාව පවතී. තවද ඇතැම් දරුවන්ගේ නාසයේ හැඩය නිවැරැදි කර ගැනීමටද සැත්කමක් මේ අවදියේදීම සිදුකර ගැනීමට පුළුවනි. මෙම ක්රියාවලිය අවසානයේදී තොලෙහි සුළු කැළලක් පමණක් සහිතව අනෙක් සෑම අතින්ම සාමාන්ය දරුවකු ලෙස ඔහුගේ බාහිර පෙනුම සැකසේ.
මෙවැනි දරුවන්ට නිවැරැදි අධ්යාපනය, නිසි මඟ පෙන්වීම, ආදරය සහ රැකවරණය ලබා දීමත් මවුපිය සේම සමාජයේ වගකීමද වේ. ඒත් කනගාටුවට කරුණ වනුයේ පාසල් වයසේ පසුවන මොවුන් අනෙක් සම වයසේ දරුවන්ගෙන් මෙන්ම ගුරුවරුන්ගෙන්ද ප්රතික්ෂේප වීමයි. එවැනි තත්ත්ව මත පාසල් හැරගිය අධ්යාපනය අතරමඟ කඩාකප්පල් කරගත් දරුවෝ බොහොමයක්ම අපට සායනවලදී විටින් විට හමුවෙති. එබැවින් ඔබගේ දරුවාද මෙවැනි විශේෂ අවශ්යතා සහිත දරුවකු ලෙස ඉපදුණද ඔහුද සාමාන්ය දරුවකු ලෙස සලකා කටයුතු කිරීමේ මවුපිය වගකීම ගැන අවබෝධවත් වන්න. දරුවා නිවසේ මුළු ගන්වා නොතබා නිසි කලට නිවැරැදි ප්රතිකාර ක්රම සඳහා සහභාගී කර වන්න.
මඟ හරවා ගැනීමේ පෙර සූදානම
♦ දරු උපත් නිසි පරිදි සැලසුම් කර ගර්භනී වීමට පෙර සිටම මව විසින් ලබා ගත යුතු විටමින් වර්ග වෛද්ය උපදෙස් පරිදි සපරා ගැනීම
♦ මවක් ගර්භනී සමයේ සිටම මව මෙන්ම පියාද මත් ද්රව්ය භාවිතයෙන් වැලකීම.
♦ ගර්භනී කාලයේදී ලබා ගන්නා අතුරු ඖෂධ සියල්ලක්ම පාහේ වෛද්ය නිර්දේශයට අනුකූලව ලබා ගැනීම.
♦ ජාන ප්රවේණි පරීක්ෂණ මගින්ද මෙබඳු දරුවන් බිහිවීමේ සම්භාවිතාව ගැන දැනගත හැකියි.
බෙදුණු තොල සහ තල්ල පිළිබඳ විශේෂඥවරුන් එකතුව පවත්වන සායන ඇති රෝහල් පහත දැක්වේ.
බොරැල්ල රිජ්වේ ආර්යා ළමා රෝහල
කරාපිටිය ශික්ෂණ රෝහල
පේරාදෙණිය දන්ත වෛද්ය රෝහල
එසේම ඔබ පදිංචි ප්රදේශයේ ළඟම පිහිටි රජයේ රෝහල සහ මුඛ, හණුක හා මුහුණ පිළිබඳ සායන මෙන්ම විකලාංග දන්ත සායනයෙන්ද මේගැන වැඩි තොරතුරු ලබා ගත හැකිවේ.
-සටහන- මාධවී ධර්මරත්න
හිටපු ක්රීඩා අමාත්ය රොෂාන් රණසිංහ මහතා මීළඟ ජනාධිපතිවරණයේදී අපේක්ෂකයකු ලෙස ඉදිරිපත් කරන බව ජාතික ප්රජාතන්ත්රවාදී පෙරමුණේ නායක රුෂාන් මලින්ද මහ
ශ්රී ලංකා දුම්රිය දෙපාර්තමේන්තුවේ වර්තමාන සාමාන්යාධිකාරීවරයා වන එච්.එම්.කේ.ඩබ්. බණ්ඩාර මහතා හදිසි අසනීප තත්වයක් හේතුවෙන් අද (23) පෙරවරුවේ අභාවප්රා
තායිවානයේ නැගෙනහිර වෙරළ තීරයේ ඊයේ රාත්රියේ රිප්ටර් මාපකයේ 6.3 ප්රබලතම භූමිකම්පනයක් සිදුව ඇතැයි විදෙස් මාධ්ය සඳහන් කරයි.
බස්නාහිර,සබරගමුව, මධ්යම, ඌව සහ වයඹ පළාත්වලත් ගාල්ල මාතර දිස්ත්රික්කවලත් පස්වරු 2.00 පමණපසු වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්ත
පාදුක්ක මොරගහහේන මාර්ගයේ මිල්ලෑව පුවක්වත්තේදී පොලිසියට වෙඩි තබා පළා යමින් සිටි ත්රිරෝද රථයකට පොලිසිය එල්ල කළ වෙඩි පහරින් අපරාදවලට සම්බන්ධ බව කියන අ
මගේ චුටි නංගිගේ උවමනාවට මගේ මාමායි අපේ වත්තේ 27 දෙනෙක් එකතු වෙලා බස් එකක් අරගෙන දියතලාවේ කාර් රේස් එක බලන්න ගියේ. කාර් රේස් බලන්න හරිම ආසාවෙන් සිටි අපේ ච
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නිසි කල නිවැරැදි ප්රතිකාර ලබා මුඛ සෞඛ්යය රැක ගනිමු