(යොහාන් භාසුර)
ශ්රී ලංකාව සහ ඉන්දියාව අතර ආරක්ෂක උපකරණ සම්බන්ධයෙන් සහයෝගීතාව ප්රවර්ධනය කිරීම සඳහා ඉන්දීය මහ කොමසාරිස් කාර්යාලය පළමු වරට සංවිධානය කළ ඉන්දීය - ශ්රී ලංකා ආරක්ෂක සම්මන්ත්රණය සහ ප්රදර්ශනය කොළඹ ටාජ් සමුද්රාහිදී පැවැත්විණි.
මෙම උත්සවයේ ප්රධාන ආරාධිත අමුත්තා ලෙස ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් මහතා සහභාගී වූ අතර ඉන්දීය මහ කොමසාරිස් එච්. ඊ. ගෝපාල් බග්ලේ, ආරක්ෂක ලේකම්, ආරක්ෂක මාණ්ඩලික ප්රධානී, ශ්රී ලංකා නාවික හමුදාපතිවරයා ඇතුළු ශ්රී ලංකා ත්රිවිධ හමුදාව, පොලිසිය සහ විශේෂ කාර්ය බලකායේ ජ්යෙෂ්ඨ නිලධාරීහූ ද සහභාගි වූහ.
මෙම අවස්ථාවට ප්රමුඛ පෙළේ ඉන්දීය ආරක්ෂක සමාගම් 16 ක නියෝජිතයින් ද, ශ්රී ලංකාවේ කර්මාන්ත නියෝජිතයෝ ද, සහභාගි වූහ.
දෙරටේ ආරක්ෂක අංශයේ පාර්ශ්වකරුවන් එක්රැස් කරමින් පළමු සහයෝගිතා ප්රදර්ශනය පැවැත්වීම පිළිබඳව මහ කොමසාරිස්වරයා ප්රශංසා කළේය.
ඉන්දියාව ආරක්ෂක උපකරණ රටවල් 85 කට අපනයනය කරන බවත් ආරක්ෂක අපනයනවලින් 2022 අප්රේල් සිට 2023 මාර්තු දක්වා ඇමෙරිකානු ඩොලර් බිලියන 2 ක් උපයා ඇති බවත් මහ කොමසාරිස්වරයා කීය.
කලාපයේ හවුල්කාර රටවල් සමඟ ආරක්ෂාව ප්රවර්ධනය කිරීමට ඉන්දියාවේ කැපවීම සහ ‘ලෝකය එකම පවුලක්’ පිළිබඳ ඉන්දීය රජයේ දර්ශනයට අනුකූලව මෙම සම්මනත්්රණය සංවිධානය කළ බව ද වැඩි දුරටත් සඳහන් කළේය.
වීඩියෝ පණිවුඩයක් මගින් රැස්ව සිටි පිරිස අමතමින් ඉන්දීය ආරක්ෂක ලේකම් ශ්රී ගිරිධර් අරමානේ මහතා ශ්රී ලංකාව ඉන්දියාවේ ප්රමුඛ හවුල්කරුවා ලෙස විස්තර කළ අතර අගමැති මෝදිගේ ‘සාගර්’ දැක්මේ කොටසක් ලෙස ශ්රී ලංකා සන්නද්ධ හමුදාවන්හි ධාරිතාව සහ හැකියාවන් ගොඩනැගීමට ඉන්දියාව කැපවී සිටින බව සහතික කළේය.
ඉන්දියා සහ ශ්රී ලංකා ව්යාපාරික නියෝජිතයින්, ශ්රී ලංකා ත්රිවිධ හමුදාව සහ පොලිසිය අතර ඉදිරිපත් කිරීම්, සජීවී සංදර්ශන සහ අන්තර් ක්රියාවලින් සමන්විත වූ විචිත්රවත් සම්මන්ත්රණය ආරක්ෂක කර්මාන්තය ප්රවර්ධනය කිරීම සඳහා ධනාත්මක සාකච්ඡාවක් සහ සම්බන්ධයක් බව ද ඉන්දීය ආරක්ෂක ලේකම් ශ්රී ගිරිධර් අරමානේ මහතා මෙහිදී වැඩි දුරටත් කීය.
මෙම ප්රදර්ශනය නරඹන්නන් සඳහා ද විවෘතව පැවති අතර අනෙකුත් ආරක්ෂක නිලධාරීන්, බාලදක්ෂයන්, ශිෂ්යභටයින් සහ උනන්දුවක් දක්වන පුද්ගලයින් රැසක් පැමිණ සිටියහ.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්දීය - ශ්රී ලංකා ආරක්ෂක සම්මන්ත්රණයක්