දියත

ගෑස් නැවක් වරායට

වර්තමානයේ පවතින ‘ලිට්‍රෝ’ ගෑස් හිඟය බෙදාහැරීම සම්බන්ධ ගැටලුවක් හේතුවෙන් ඇතිවූ එකක් බවත් ගෑස් රැගත් නැවක් මේ වන විට ශ්‍රී ලංකාවට පැමිණ ඇති බවත් ‘ලිට්‍රෝ’ ගෑස් සමාගමේ උසස් නිලධාරියෙක් ‘ලංකාදීප’යට පැවසීය.

02 November 2021

සීනි පාලන මිල ඉවත් කරයි

සීනි සඳහා පනවා තිබූ පාලන මිල ඉවත් කිරීමට තීරණය කළ බව රජයේ ආරංචි මාර්ග පවසයි.

02 November 2021

එක රටක් එක නීතියක් ගැසට්ටුවට කතෝලික රදගුරු සමුළුවෙන් නිවේදනයක්

‘එක රටක්, එක නීතියක් සඳහා වූ ජනාධිපති කාර්ය සාධක බලකාය’ පත්කිරීමට අදාළ ගැසට් නිවේදනය අවලංගු කළ යුතු යැයි ශ්‍රී ලංකා කතෝලික රදගුරු සමුළුව නිවේදනයක් නිකුත් කරමින් පවසයි.

02 November 2021

කොරෝනා ආසාදිතයන් 498

කොවිඩ් ආසාදිත රෝගීන් තවත් 498 දෙනකු අද (2) හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

02 November 2021

සතියට හැඳුනුම්පත් 6000ක් නිකුත් කරයි

ජාතික හැදුනුම්පත් නිකුත් කිරීමේ එක්දින සේවයෙන් පසුගිය සතියේ පමණක් ජාතික හැදුනුම්පත් 6000 කට ආසන්න සංඛ්‍යාවක් නිකුත් කළ බවත් දිනක ජාතික හැදුනුම්පත් නිකුත් කිරීමේ සාමාන්‍ය 1200 ක් පමණ වන බවත් පුද්ගලයන් ලියාපදිංචි කිරීමේ කොමසාරිස් ජනරාල් වියානි ගුණතිලක මහතා ‘ලංකාදීප’යට පැවසීය.

02 November 2021

අය - වැයේ පාට කියයි

සම්ප්‍රදායික අය වැයකින් එහා ගිය නව දැක්මක් සහ වැඩපිළිවෙළක් මෙවර අයවැයෙන් රටට ඉදිරිපත් කෙරෙනු ඇතැයි තමා විශ්වාස කරන බව ජනාධිපති ලේකම් පී.බී. ජයසුන්දර මහතා පවසයි.

02 November 2021

දුම්රිය මඟේ කේබල් කැපීම ගැන පොලිසියටත් කියයි

දුම්රිය සංඥා පද්ධතියේ ප්‍රධාන කේබලය කැපීමේ සිද්ධිය පිළිබඳව කැලණිය පොලිසියට පැමිණිළි කළ බවත් එම සිද්ධිය පිළිබඳව දුම්රිය ආරක්‍ෂක දෙපාර්තමේන්තුව වෙනම පරීක්‍ෂණයක් ක්‍රියාත්මක කරන බවත් දුම්රිය සාමාන්‍යාධිකාරී ධම්මික ජයසුන්දර මහතා ‘ලංකාදීප’යට පැවසීය.

02 November 2021

කොවිඩ් මරණ 10ක්

කොවිඩ් ආසාදිත වූ තවත් රෝගීන් 10 දෙනකු ඊයේ (1) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (2) තහවුරු කළේය.

02 November 2021

විදුලි සේවකයෝ යුගදනවි ගිවිසුමට එරෙහිව උසාවි යති

කෙරවලපිටිය යුගදනවි තාප විදුලි බලාගාරයේ රජය සතු කොටස්වලින් සියයට 40 ක් අමෙරිකාවේ නිව් ෆෝට්‍රස් නැමැති සමාගමකට ලබාදීමට අමාත්‍ය මණ්ඩලය ගෙන ඇති තීරණය බල රහිත කරන්නැයි ඉල්ලා වෘත්තීය සමිති අද (02) ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළේය.

02 November 2021

තෙල්,විදුලිය,වරාය සේවකයෝ හෙට විරෝධයේ

රටේ ජාතික සම්පත් විකිණීමට එරෙහිව ඛනිජතෙල් විදුලිය සහ වරාය සේවකයෝ හෙට දැවැන්ත විරෝධතාමාලාවක් පවත්වති.

02 November 2021

රවී කුමුදේශ්ගෙන් චෝදනාවක්

අවිධිමත් ලෙස තෝරාගත් සේවාවන් කීපයකට පමණක් වයස අවුරුදු 63 වනතෙක් සේවා දිගු ලබාදීමෙන් රාජ්‍ය සේවාව බරපතල අර්බුදයකට ලක්ව ඇතැයි පරිපූරක වෛද්‍ය වෘත්තීයවේදීන්ගේ ඒකාබද්ධ බලමණ්ඩලයේ සභාපති රවී කුමුදේශ් මහතා පවසයි.

02 November 2021

“උද්ඝෝෂණය කළාට ලයිට් කපන්නෙ නෑ’’

ලංකා විදුලිබල මණ්ඩල ඒකාබද්ධ වෘත්තීය සමිති සන්ධානය හෙට (3) කොළඹදී පවත්වන උද්ඝෝෂණය හේතුවෙන් කිසිවිටකත් විදුලිය බිඳ වැටීමක් නොවන බව විදුලිබල මණ්ඩල ඉංජිනේරු සංගමයේ නියෝජිත චරිත ජයනාත් මහතා අද (2) පස්වරුවේ ‘ලංකාදීප’යට පැවසීය.

02 November 2021

සංචාරක ක්ෂේත්‍රය නගා සිටුවීමට ශ්‍රී ලංකන් ව්‍යාපෘතියක් අරඹයි

වසංගත තත්ත්වය හේතුවෙන් පසුබෑමකට ලක්ව තිබූ ශ්‍රී ලංකාවේ ආර්ථිකය යළි නගා සිටුවීම සඳහා විශේෂ අලෙවිකරණ වැඩසටහනක් ශ්‍රී ලංකන් ගුවන් සමාගම ආරම්භ කර තිබේ. Next Door Neighbor යනුවෙන් නම් කර ඇති මෙය ඉන්දියානු සංචාරකයන්ගේ ආකර්ශනය දිනා ගැනීම අරමුණු කර ගනිමින් නිර්මාණය කර තිබේ.

02 November 2021

ALTAIR විවෘත වේ

මෙරට ඉදිකිරීම් ක්ෂේත්‍රයේ පවතින සම්ප්‍රදායන් වෙනස් මගකට යොමු කරමින් කොළඹ නගරයේ ගොඩ නැඟු‍ණු ඇල්ටෙයාර් (ALTAIR) ගොඩනැගිල්ල පසුගියදා විවෘත කෙරිණි.

02 November 2021

මොබිටෙල් නව ප්‍රධාන කාර්යාලයේ ඉදිකිරීම් අරඹයි

ජාතික තොරතුරු හා සන්නිවේදන තාක්ෂණ විසඳුම් සම්පාදක වන SLT-MOBITEL, වැලිකඩ ප්‍රදේශයේ ඉදිකරන නවතම Mobitel ප්‍රධාන කාර්යාලයට ඔක්තෝබර් 21 දා මුල්ගල තැබී ය. නවීනතම තාක්ෂණයෙන් සමන්විතව ඉදිවන මෙම ගොඩනැගිල්ල SLT-MOBITELහි ප්‍රථම ‘හරිත ගොඩනැගිල්ල’ බවට පත්වනු ඇතැයි එම සමාගම කියයි.

02 November 2021

විදුලි විරෝධය නවතන්නැයි පොලිසියේ ඉල්ලීම ඉවතට

ලංකා විදුලිබල සේවක වෘත්තීය සමිති ඇතුළු වෘත්තීය සමිති කිහිපයක සාමාජිකයන් කොළොන්නාව තෙල් සංස්ථාව ඉදිරිපිට මාර්ගයේ පැවැත්වීමට නියමිත උද්ඝෝෂණයෙන් මහජන පීඩාවක් ඇතිවන බැවින් එය නවතා දමන ලෙසට ආඥාවක් නිකුත් කරන්නැයි වැල්ලම්පිටිය පොලීසිය කළ ඉල්ලීමක් කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය අද ප්‍රතික්ෂේප කළාය.

02 November 2021

සිරිල් ගාමිණී පියතුමන් ශ්‍රේෂ්ඨාධිකරණයට පෙත්සමක්

පාස්කු ඉරුදින දින ප්‍රහාර සිද්ධියෙන් විපත පත් වූ සම්බන්ධයෙන් සූම් අන්තර්ජාල තාක්ෂණය ඔස්සේ පැවති සාකච්ඡාවකදී තමා සිදු කළ ප්‍රකශයකට අනුව අපරාධ පරීක්ෂණ දෙපාර්තමේන්තුව විසින් තමාව අත්අඩංගුවට ගැනීම වළක්වාලන නියෝගයක් නිකුත් කරන්නැයි ඉල්ලා ආචාර්ය සිරිල් ගාමිණී ප්‍රනාන්දු පියතුමන් විසින් අද (02) ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළේය.

02 November 2021

බෙලිඅත්තේ ගොවි විරෝධයක්

ආණ්ඩුවේ කාබනික පොහොර ප්‍රතිපත්තියට විරෝධය පළකරමින් බෙලිඅත්තේ ගොවීහු පිරිසක් බෙලිඅත්ත නගරයේදී අද විරෝධතාවයක නිරත වූහ.

02 November 2021

‘පසු කොවිඩ් සංකූලතා ‘ ගැන ඔබ දැනුම්වත්ද?

කොවිඩ් රෝගය වැළඳී මුල් දින 14න් පසුව වුවද ඇති විය හැකි තත්ත්වයක් ලෙස පසු කොවිඩ් සංකූලතා හඳුන්වා දිය හැකියි. පශ්චාත් කොවිඩ් අවදිය යනු කොවිඩ් වැළඳී මාසයක් ගත වීමෙන් පසු එළැඹෙන අවදියයි. මාස තුනක් හෝ මාස තුනෙන් පසු අවදිය ’Post Covid Syndrome ’ වේ.

02 November 2021

පාඨලීගේ අනතුරු නඩුව 30 විභාගයට

රිය අනතුරක් කර පලා යාම අන් අයකු වෙනුවෙන් පෙනී සිටීම සහ අපරාධ නඩුවක තොරතුරු සැඟවීම සම්බන්ධයෙන් හිටපු අමාත්‍ය පාඨලී චම්පික රණවක ඔහුගේ රියදුරාට සහ වැලිකඩ පොලිසියේ හිටපු ස්ථානාධිපතිවරයාට එරෙහි නඩුව ලබන 30 වෙනිදා විභාගයට ගැනීමට කොළඹ මහාධිකරණ විනිසුරු දමිත් තොටවත්ත මහත අද තීරණය කළේය.

02 November 2021

බකමූණ ගොවි උපවාසය අවසන් කරයි

රසායනික පොහොර ඉල්ලා දින දහයක් පුරා ඇලහැර හා මොරගහකන්ද ගොවිජන ව්‍යාපාර වල ගොවි සංවිධාන 41 ඒකාබද්ධව බකමූණ නගරයට ආසන්නව සිදුකළ අඛණ්ඩ උපවාසය පොලොන්නරුව ත්‍රෛනිකායික භික්ෂූන් වහන්සේලාගේ ඉල්ලීම්කට අනුව අද අවසන් කළේය.

02 November 2021

මුරුත්තෙට්ටුවේ ආනන්ද නා හිමි කොළඹ සරසවියේ කුලපති ධූරයට

කොළඹ විශ්ව විද්‍යාලයේ නව කුලපති ධූරයට මුරුත්තෙට්ටුවේ ආනන්ද නා හිමියන් පත්කර ඇත.

02 November 2021

මෝදි - ගෝඨා හමුවක්

ස්කොට්ලන්තයේ ග්ලාස්ගෝ නුවරදී මේවන විට පැවැත්වෙන එක්සත් ජාතීන්ගේ දේශගුණික විපර්යාස පිළිබඳ ලෝක නායක සමුළුව අතරතුර ඉන්දීය අග්‍රාමාත්‍ය නරේන්ද්‍ර මෝදී ජනාධිපති ගෝඨාභය රාජපක්ෂ මහතා හමු වී ඇත.

02 November 2021

පාස්පෝට් ගන්න දිගු පෝලිම්

විදෙස් ගමන් බලපත්‍රය එක් දින සේවාව යටතේ ලබාගැනීමේ අරමුණින් බත්තරමුල්ල සුහුරුපායේ පිහිටි ආගමන හා විගමන දෙපාර්තමේන්තුවේ ප්‍රධාන කාර්යාලය වෙත අද (02) දිනයේත් දහස් ගණනක් ජනතාව පැමිණ පෝලිම් ගැසී සිටින අයුරු දැකගතහැකි විය.

02 November 2021

තැන් තැන්වල බූමිතෙල් පෝලිම්

බදුල්ල සමූපකාර ඉන්ධන පිරවුම් හලෙන් බූමිතෙල් මිළදී ගැනීමට ජනතාව අද (2) උදේ සිට පෝලිමේ රැදී සිටියහ.

02 November 2021

හත්දොහේ දානෙට ගිය 12කට කොරෝනා

අත්තනගල්ල ගොඩගම ගම්මානයේ මියගිය අයකු වෙනුවෙන් පැවැති හත් දවසේ දානයකට සහභාගි වූ එම ගම්මානයේ නිවාස හයක දොළොස් දෙනකුට කෝවිඩ් 19 වෛරසය ආසාදනය වී ඇති බව සෞඛ්‍ය අංශ ප්‍රකාශකයෙක් පැවසීය.

02 November 2021

සංචාරක ආකර්ෂණිය දුම්රිය ස්ථාන කිහිපයක්ම කඩිනමින් නවිකරණය කෙරෙයි

නානුඔය, වැලිගම, ඇල්ල, බණ්ඩාරවෙල, බෙන්තොට, ගාල්ල, හපුතලේ , කඩුගන්නාව යන දුම්රිය ස්ථාන ඇතුළු දුම්රිය ස්ථාන කිහිපයක් සංචාරක ආකර්ෂණිය දුම්රිය ස්ථාන ලෙස නවිකරණය කිරිමට කටයුතු යොදා ඇතැයි සංචාරක අමාත්‍යාංශය කියා සිටී.

02 November 2021

රාජගිරියට රුපියල් කෝටි 100ක් ආයෝජනයක මිශ්‍ර සංවර්ධන ව්‍යාපෘතියක්

කොළඹ රාජගිරිය ප්‍රදේශයේ රුපියල් කෝටි 100 ක් ආයෝජනය කරමින් මිශ්‍ර සංවර්ධන ව්‍යාපෘතියක් සඳහා ශ්‍රී ලංකා ආයෝජන මණ්ඩලයේ අනුමැතිය ලබා දී ඇතැයි එම මණ්ඩලය කියා සිටී.

02 November 2021