(රන්ජන් කටුගම්පොල සහ නිමන්ති රණසිංහ)

සඳලංකාව ප්‍රදේශයේ ග්‍රාම සේවා වසම් දෙකක නීති විරෝධීව බොරළු කැපීම ඇතුළු නීති විරෝධී කටයුතුවල යෙදීම වහාම නැවැත්වීමට පියවර ගන්නා ලෙස ශ්‍රේෂ්ඨාධිකරණය පොලිස්පතිවරයාට,  මධ්‍යම  පරිසර අධිකාරියට, පතල් හා කැණීම් කාර්යාංශයට සහ පන්නල පොලිස් ස්ථානාධිපතිවරයාට අද (24) නියෝග කළේය .

යම් හෙයකින් මෙම නියෝගය කඩ කළහොත් ශ්‍රේෂ්ඨාධිකරණයට අපහාස කිරීමක් සේ සලකා කටයුතු කරන බව ද අධිකරණය දැනුම් දුන්නේය.

ශ්‍රේෂ්ඨාධිකරණය මෙම නියෝගය නිකුත් කරනු ලැබුවේ සඳලංකාව ප්‍රදේශයේ ගොවීන් දෙදෙනකු විසින් තඹකන්ද සහ සවන්දවත්ත යන ග්‍රාම සේවා කොට්ටාශ දෙකෙහි නීති විරෝධී ආකාරයෙන් බොරළු කැණීම් සිදු කිරීමට එරෙහිව ගොනුකර තිබූ තිබූ මූලික අයිතිවාසිකම් පෙත්සමක් සැලකිල්ලට ගැනීමෙන් අනතුරුවය.

විජිත් මළල්ගොඩ යසන්ත කෝදාගොඩ සහ එස්. සමයවර්ධන යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ මෙම පෙත්සම සලකා බැලිණි.